Rusiya S-400-ləri çıxardı, bu ölkənin səması üzərində nəzarəti itirdi

Bəşər Əsədin devrilməsindən sonra Rusiya S-400 və S-300 zenit-raket sistemlərinin bir hissəsini Suriyadan çıxarıb.

Publika az xəbər verir ki, "Forbes" nəşri bu geri çəkilmənin Rusiyanın təxminən on il ərzində mübahisəli Suriya hava məkanında hansı ölkələrin fəaliyyət göstərə biləcəyini müəyyən etməkdə böyük rol oynadığı bir dövrün sonu olduğuna işarə edib.

“The Wall Street Journal”ın məlumatına görə, Rusiya Federasiyası S-400 və S-300-ləri Suriyadan yük təyyarələri ilə Liviyanın şərqindəki bazalara daşıyıb.

S-400-lərin Suriyada saxlanması artıq Rusiyanın strateji maraqlarına cavab vermir, çünki Əsədin devrilməsindən sonra onların təhlükəsizliyi sual altındadır.

Xatırladaq ki, Rusiya 2015-ci ildə Əsəd rejimini dəstəkləmək üçün Suriya vətəndaş müharibəsinə müdaxilə edərkən Latakiyadakı Xmeymim aviabazasında qırıcı-bombardmançı təyyarələrini yerləşdirib. Həmçinin S-400-ləri Xmeymimdə yerləşdirərək Suriya üzərində hava hücumundan müdafiə sistemini əhəmiyyətli dərəcədə genişləndirib.

Akqabay