Ərdoğanın tələbi, Şaraanın İLK UĞURU - Suriya intibahı başlayır

Xəbər verdiyimiz kimi, ABŞ Prezidenti Donald Tramp Türkiyə lideri Rəcəb Tayyib Ərdoğanın tələbindən sonra Suriyaya qarşı əvvəllər tətbiq edilən sanksiyaları ləğv edib.

Publika.az xəbər verir ki, bu, Əsəd rejimini devirərək hakimiyyətə gələn Suriyanın müvəqqəti Prezidenti Əhməd əl-Şaraa və komandasına ölkəni yenidən canlandırmağa, beynəlxalq arenada nüfuzunu bərpa etməyə imkan verəcək.

Sanksiyaların ləğvi Suriya üçün daha hansı perespektivlər açır?

• İlk olaraq Suriya funtunun dəyəri cəmi bir neçə gündə bir neçə dəfə artdı
• Suriya intibahı başlayacaq
• Ölkələr nəhəng investisiyalar uğrunda yarışacaqlar
• Suriyanın bütün vilayətlərində yenidənqurma başlayacaq
• Ölkə ərazisi 24 saat fasiləsiz elektrik enerjisi ilə təmin ediləcək
• Bütün bloklanmış proqramlar yenidən aktivləşdiriləcək
• Böyük iqtisadi canlanma başlayacaq
• Həyat üçün bütün əsas ehtiyaclar əmin ediləcək
• Bütün sahələrə və beynəlxalq təkliflərə dəstək veriləcək
• Dəməşq yenidən Yaxın Şərqin mayakına çevriləcək
• İşçilərin maaşları ikiqat artırılacaq
• Suriya Mərkəzi Bankına milyardlarla dollar daxil olacaq: ianələr, əmanətlər və şirkət vəsaitləri
• Gənclər üçün minlərlə iş imkanı təmin ediləcək
• Suriya dövləti beynəlxalq səviyyədə tanınacaq və onun suverenliyinə hörmət ediləcək
• Keyfiyyətli silahlar, təyyarələr və müdafiə vasitələri almaq mümkün olacaq
• Suriyalı qaçqınların öz ərazilərinə qayıtması mümkün olacaq
• İqtisadiyyatın bərpası istər-istəməz hərbi və təhlükəsizlik institutlarının bərpasına səbəb olacaq. Nəticədə bu, dövlətin güclənməsinə gətirib çıxaracaq ki, bu da təhlükəsizliyin, asayişin və hesabatlılığın artması ilə nəticələnəcək.

Hüseyn İbadlı