Kikli öldürüldü, Tripoli yenidən qarışdı - Silahlar susmaq bilmir

Liviyanın paytaxtı Tripolidə Milli Razılıq Hökuməti qüvvələri ilə Sabitliyə Dəstək Aparatı (SDA) arasında silahlı toqquşmalar yenidən başlayıb.

Publika.az xəbər verir ki, bu barədə "Al Wasat" məlumat yayıb.

Nəşrin məlumatına görə, döyüşlər Liviya Prezident Şurasında yer alan SDA rəhbəri Abdel Qani əl-Kiklinin sıradan çıxarılmasından sonra başlayıb. O, Tripoli Hərbi Dairəsinin 444-cü Briqadasının qərargahında öldürülüb, bundan sonra briqada SDA qərargahına hücum əmri alıb və hücuma başlayıb.

SDA qüvvələri şəhərin girişlərində, o cümlədən Mitiqa Beynəlxalq Hava Limanına gedən yolda və onların qərargahına gedən yolda yerləşdirilib. Şahidlər çəkindirmə qüvvələrinin və məhkəmə polisinin hərbi karvanının Mitiqaya doğru hərəkət etdiyini bildiriblər.

Liviyanın paytaxtında şiddətli toqquşmalar mayın 12-i axşam saatlarında başlayıb. Daxili İşlər Nazirliyi bildirir ki, şəhərdə Misrata briqadasının dəstəklədiyi 44-cü döyüş briqadası ilə Təhlükəsizlik və Sabitliyin Qorunması Aparatı arasında toqquşmalar baş verib.

Tripolidə yerləşən Mitiqa Beynəlxalq Hava Limanı fəaliyyətini müvəqqəti dayandırıb və planlı uçuşlar Misurata hava limanına yönləndirilib.

Hüseyn İbadlı