"Gideonun arabaları" HƏMASI YOLA GƏTİRDİ - Dohaya gedirlər

Fələstinin radikal HƏMAS hərəkatının nümayəndə heyəti Qəzza zolağında saxlanılan girovların azad edilməsinə dair razılaşmanı müzakirə etmək üçün Dohada danışıqları bərpa edib.

Publika.az xəbər verir ki, bu barədə İsrailin müdafiə naziri İsrail Katz məlumat verib.

O bildirib ki, bu, İsrailin Fələstin anklavında "Gideonun arabaları" adlı hərbi əməliyyatın birinci mərhələsinə başlamasından sonra baş verib

“İsrail Müdafiə Qüvvələrinin Qəzzada böyük güclə həyata keçirdiyi "Gideonun arabaları" əməliyyatının başlaması ilə Dohadakı HƏMAS nümayəndə heyəti, bu nöqtəyə qədər qəbul etmədiyi barışmaz mövqedən fərqli olaraq, girovların azad edilməsinə dair razılaşma üzrə danışıqlara qayıtdığını elan etdi”, - o bildirib.

Mayın 14-də ABŞ-ın xüsusi nümayəndəsi Steven Vitkoff və HƏMAS rəsmiləri İsrail girovlarının azad edilməsi məsələsini müzakirə etmək üçün bir araya gəliblər. Danışıqlar Qətərin paytaxtı Dohada baş tutub. Vitkoffdan başqa, Amerika tərəfini ABŞ Prezidentinin girovların işi üzrə elçisi Adam Behler təmsil edib. Fələstin tərəfini HƏMAS-ın yüksək səviyyəli üzvləri Məhəmməd Dərviş, Xəlil əl-Həya və Zahir Cabarin təmsil edib.

Hüseyn İbadlı