İsrailin İrana hücumu bu ölkələri şoka salıb: Elə bilirmişlər ki...

Nüvə sazişi üzrə danışıqların ortasında İsrailin İrana qarşı hərbi əməliyyata başlaması Körfəz ərəb ölkələri üçün sürpriz olub.

Publika.az xəbər verir ki, “Bloomberg” bu barədə mənbələrə istinadən məlumat yayıb.

Ərəb ölkələri İsrailin niyyətindən xəbərdar olduqlarını, lakin İsrailin baş naziri Benyamin Netanyahunun İran ABŞ-la nüvə sazişi üzrə danışıqlar apararkən zərbə endirmək qərarından hələ də şokda olduqlarını vurğulayıblar. Mənbələr bildirib ki, Körfəz ölkələri ABŞ prezidenti Donald Trampın Netanyahunu cilovlamaq qabiliyyətini həddən artıq şişirtdiklərinə əmin olublar. .

Qeyd olunub ki, ərəb ölkələri illərdir İranla gərginliyi azaltmaq üçün çalışır, o cümlədən İslam respublikasının iqtisadiyyatına milyardlarla dollar sərmayə qoyur ki, onu istənilən formada nüvə sazişi imzalamağa inandırsınlar.

Bildirilir ki, ərəb ölkələri Tehranın onların neft infrastrukturuna zərbə vura və regionda iqtisadi inkişaf planlarını poza biləcəyindən ehtiyatlanır. Bundan əlavə, Körfəz ölkələri düşünür ki, ABŞ-ın bu ölkəyə zərbə endirəcəyi təqdidə İranda hakimiyyət dəyişikliyi və xaosun yaranma ehtimalı qaçılmazdır.

Adəm