Qətərlə İran barışdı: Bir araya gəldilər

İran və Qətərdən olan yüksək rütbəli diplomatlar, İranın Doha yaxınlığındakı ABŞ hava bazasına cavab raket zərbəsi endirməsindən sonra iki ölkənin dostluq münasibətlərini davam etdirmək əzmini vurğulayıblar.

Publika.az xəbər verir ki, bu barədə "Tasnim" məlumat yayıb.

İran xarici işlər nazirinin müavini Məcid Təxt Rəvançi və Qətər xarici işlər nazirinin regional məsələlər üzrə köməkçisi Məhəmməd bin Əbdüləziz Əl-Xuleyfi çərşənbə axşamı səhər telefonla danışıblar.

İranlı diplomat Tehran və Doha arasında “dost və güclü” münasibətləri vurğulayaraq, İranın Qətərlə mehriban qonşuluq və qarşılıqlı maraqlara hörmət əsasında əlaqələri davam etdirmək və gücləndirmək əzmində olduğunu bir daha vurğulayıb.

Təxt Rəvançi vurğulayıb ki, İran “region dövlətləri ilə əməkdaşlıq və anlaşma” yolu ilə “İsrail və Amerikanın İslam Respublikası və digər ölkələrə qarşı pis niyyətli hərəkətlərinin region ölkələri arasında parçalanmaya səbəb olmasına imkan verməyəcək”.

O, həmçinin Qətərin regionda gərginliyin artmasının qarşısının alınmasında konstruktiv rolunu yüksək qiymətləndirib.

Əl-Xulayfi də öz növbəsində Qətər və İran arasında əla münasibətlər olduğunu qeyd edərək, təhlükəsizlik və sabitliyin təmin olunması üçün bütün region ölkələrinin birgə səylərinin vacibliyini vurğulayıb. O, həmçinin Qətərin bu səylərin asanlaşdırılmasında konstruktiv rol oynamaq əzmini ifadə edib.

Adəm