Dünya müharibə təhlükəsindən qurtuldu - Rəy

“Dünən Sakit okean hövzəsində dünya az qala 3-cü dünya müharibəsinin astanasına gəlib çatmışdı”.

Bunu Publika.az-a açıqlamasında politoloq Elşən Manafov deyib.

Politoloqun sözlərinə görə, ABŞ-a məxsus məlum “Virciniya” atom sualtı qayığı Rusiyanın ərazi sularını kobud şəkildə pozmuş və Rusiya Sakit okean donanmasının tələblərinə baxmayaraq, suyun üzünə çıxmamış, sürətlə həmin ərazidən ayrılmışdı: “Halbuki, mövcud qanunvericiliyə və Beynəlxalq Dəniz Hüququna görə, Rusiya həmin “Virciniya” sualtı donanmasını vura bilərdi. Məsələ burasındadır ki, məşhur sualtı qayıqda 12-ə qədər nüvə başlıqlı raket var idi.

src="/storage/files/upload/3a4b28fb7cacfc91e68f3fdf0d0b94d6235a38e9.jpg" style="width: 370px; height: 426.733px;" class="fr-fic fr-dib">

Görünür, Birləşmiş Ştatlar Rusiya tərəfini sınağa çəkmək istəyir. Rusiya yenə də səbr nümayiş etdirərək onun ərazi sularına müdaxilə etmiş ABŞ sualtı donanmasına münasibətdə beynəlxalq hüququn təpkilərini tətbiq etmədi. Dünya açıq şəkildə 3-cü dünya müharibəsi təhlükəsindən qurtuldu. Düşünürəm ki, hər halda sağlam məntiq qalib gəlməlidir. ABŞ da, Qərb də başa düşür ki, nüvə müharibəsinin aparılması mümkün deyil”.