Ermənistandan SENSASİYALI PLAN: Yeni dövlət yaradıb Naxçıvanı "işğal edəcəklər"

Sentyabrın 29-da İrəvanda “Sasna srer” qruplaşması eyniadlı hərbiləşmiş partiya yaratdıqlarını elan edib.

Publika.az xəbər verir ki, yeni partiyanın mətbuat katibi Varukan Avetisyan silahlı mübarizənin dayandırılması və siyasi fəaliyyətin başlanması haqqında qərar verdiklərini bildirib.

Təsis qurultayında elan edilib ki, partiyanın rəhbəri olmayacaq, əvəzində əlaqələndirmə katibliyi idarə edəcək.

“Partiyanın yaradılmasının məqsədi Ermənistanda neçə illərdir planlaşdırılan dəyişiklikləri həyata keçirməkdir”, - deyə o bildirib.

Avetisyan bəyan edib ki, onlar “rus-türk razılaşması”nın nəticə olaraq yaradılan Ermənistan respublikasını tanımır və yeni erməni dövlətinin yaradılması üçün mübarizəyə başlayacaqlar.

“Bizim hədəfimiz Ermənistanın yeni respublikasını yaratmaqdır. Bu dövlətə “Arsax” (Azərbaycanın işğal olunmuş Dağlıq Qarabağ ərazisi - red.) və Ermənistandan kənarda yaşayan ermənilər birləşdiriləcək. Biz Naxçıvanı və Axuryan çayından qərbdəki əraziləri də yeni Ermənistan respublikasına birləşdirəcəyik”, - deyə o bildirib.

“Sasna srer” qruplaşmasının lideri Jirayr Sefilyan bildirib ki, onlar yeni parlamentin formalaşdırılmasına qədər Nikol Paşinyanı dəstəkləyəcəklər.

Qeyd edək ki, 2016-cı ildə “Sasna srer” qruplaşması İrəvanda Sarkisyan hakimiyyətinə qarşı qiyam törədib.

Asif