Nida Təhlil

İcazəsiz aksiyanın keçirilməsi xarici dairələrdən qaynaqlanır - Komitə sədri

22 Oktyabr 2019 12:46

Destruktiv qrupların Bakının mərkəzində icazəsiz aksiya keçirməsi xarici dairələrdən qaynaqlanır.

Publika.az xəbər verir ki, bu sözləri Milli Məclisin iclasında Aqrar siyasət komitəsinin sədri Eldar İbrahimov deyib.

O, əlavə edib ki, icazəsiz aksiyanın Prezident İlham Əliyevin Soçidə Valday konfransında və MDB dövlət başçılarının Aşqabadda keçirilən iclasında səsləndirdiyi qətiyyətli mövqedən, habelə iqtisadi müşavirədən sonra keçirilməsi təsadüfi deyil.

Komitə sədri qeyd edib ki, sərbəst toplaşmaq azadlığının təmin edilməsinə, bunun üçün müvafiq meydanların ayrılmasına baxmayaraq, həmin qüvvələr icazəsiz aksiyalara gediblər: "Məqsədləri ölkədə qarşıdurma yaratmaq, sabitliyi pozmaq olub. Polis güc tətbiq etmədən və xüsusi vasitələrdən istifadə etmədən vəzifəsini qanunauyğun şəkildə yerinə yetirib. Əli Kərimli və onun kimiləri bilməlidir ki, xalq onları yaxşı tanıyır. Ölkədə xalq-hakimiyyət birliyi var. Onların havadarları bunu bilməlidir”.