Ermənilər müharibəni günahsız dinc əhaliyə və silahsızlara qarşı aparır - Deputat

“Ermənilər 100-150 il əvvəl də belə olublar, bu gün də belədirlər. Onlar murdar əməllərindən əl çəkmirlər və mülki əhalini hədəf alırlar”.

Bu fikirləri Publika.az-a danışan Milli Məclisin Müdafiə, təhlükəsizlik və korrupsiya ilə mübarizə komitəsinin üzvü Elman Məmmədov deyib.

O qeyd edib ki, bu faktı ermənilər 1992-ci ildə Xocalı soyqırımını törədərkən də təsdiq etdilər: “Onlar müharibəni dinc əhaliyə, silahsızlara, mülki şəxslərə, günahsız insalara qarşı aparır. Müdafiə Nazirliyimiz də rəsmi məlumat yayıb ki, Ermənistan hərbi qüvvələri Azərbaycanın yaşayış ərazilərini güclü artilleriya, top, tank, raket atəşinə tutub. Yaşayış ərazilərimizdə dağıntılar var.

Verilən rəsmi məlumata görə mülki əhali arasında da itkilərimiz var. Azərbaycan tərəfi məcbur olaraq ermənilərin murdar, heç bir qanuna sığmayan təcavüzkar hərəkətlərinə cavab verib. Təcavüzkar Ermənistan bu murdar hərəkətlərinə qarşı Azərbaycan Ordusunun çox layiqli, dağıdıcı və sarsıdıcı cavablarını alacaq və inşallah nəticəsini də görəcəyik”.

Akqabay Mıradov