Bu təşkilatların erməni terroruna münasibəti olduqca əhəmiyyətlidir - Hüquq müdafiəçisi
Bizi izləyin

Nida Təhlil

Bu təşkilatların erməni terroruna münasibəti olduqca əhəmiyyətlidir - Hüquq müdafiəçisi

"Həm "Amnesty International", həm də "Human Rights Watch" təşkilatı dünyada insan hüquqları ilə məşğul olan ən nüfuzlu hökumət təşkilatlarıdır. Bu gün onların Azərbaycanda baş verən hadisələrə göstərdikləri münasibət çox vacibdir".

Bunu Publika.az-a İnsan Hüquqları və Qanunçuluğun Müdafiəsi Bürosunun rəhbəri, hüquq müdafiəçisi Səidə Qocamanlı deyib.

Onun sözlərinə görə, bu təşkilatlar gec də olsa öz obyektivliyini itirmədi və Bərdədə, Gəncədə, digər bölgələrimizdə baş verən hadisələrə münasibət göstərdilər: "Bu təşkilatların hadisələrə reaksiyası olduqca əhəmiyyətlidir. Onlar azğın ermənilərin mülki vətəndaşlarımıza qarşı törətdikləri cinayətləri açıqladılar və terrorçu Ermənistan silahlı qüvvələrinin dinc sakinlərimizi hansı silahlardan istifadə edərək atəşə tutduğunu qeyd etdilər. Bu, ölkəmiz üçün olduqca əhəmiyyətlidir".

Hüquq müdafiəçisi qeyd edib ki, "Amnesty International" və "Human Rights Watch" təşkilatlarının erməni terroruna münasibəti dünyəvi nöqteyi-nəzərdən Azərbaycan üçün çox vacibdir: "Ölkəmizin hüquq müdafiəçiləri hər iki təşkilatla illər boyu həmişə əlaqədə olub, indi də əlaqədədirlər. Hazırda mülki vətəndaşlara qarşı törədilən cinayətlərlə bağlı hazırladığımız hesabat hər iki təşkilata, o cümlədən digər beynəlxalq təşkilatlara, səfirliklərə göndəriləcək".

Akqabay Mıradov

Oxumağa davam et
Reklam
Reklam

Gündəm