Xankəndidə terror aktları hazırlanır, Azərbaycan hansı addımı atacaq? - General açıqladı - VİDEO

“Azərbaycanın birbaşa əlaqədə olduğu adam əli qanlı qatil, separatçı Araik deyil, Paşinyandır və Ermənistan hökumətidir. Dolayısıyla Azərbaycanın baş terrorçunun sözlərinə cavab verməsi bir o qədər uyğun deyil. Onların müharibəyə hazırlaşmaları qeyri-mümkündür. Buna cəhd edə bilərlər, lakin yalnız kiçik həcmli terror aktları həyata keçirə bilərlər. Bununla sülh sazişinin imzalanmasının qarşısını almaq istəyəcəklər. Azərbaycan dövləti isə hər zaman olduğu kimi onlara qarşı anti-terror əməliyyatları keçirməlidir”.

Bu sözləri Publika.az-a açıqlamasında Türkiyənin Azərbaycandakı səfirliyinin keçmiş hərbi attaşesi, istefada olan general-mayor Yücel Karauz deyib.

Onun sözlərinə görə, hazırda müharibədən söhbət gedə bilməz.

“Bizim Anadoluda bir söz var: hürən it dişləməz. Separatçılar da səs-küy qopararaq öz qorxularını, tükənmişliklərini, gələcək dönəmdə hüquq müstəvisində verəcək cavablarından dolayı narahatllıqlarını gizlədə bilmirlər. Amma hər hansı müharibədən söhbət gedə bilməz. Məlumdur ki, oradakı terror qrupları bəlli bir qüvvələrin kəsimləridir. Sülh prossesinə maneə olmağa çalışanlar, ayaqlarını dirəyənlər buna nail ola bilməyəcəklər. Əlisilahlı terrorçu separatçılar Azərbaycan ərazilərini tərk etmədikləri müddətdə nə barış gələcək, nə də sülh sazişi imzalanacaq. Onlar Azərbaycanın ərazi bütövlüyünü tanımalıdırlar. Azərbaycan dövləti Qarabağ ermənilərinə qarşı bütün hüquqi prosesləri təmin edir və bunu daima göstərir. Nəticə etibarilə sülh danışıqlarının gündəmdə olduğu bir dönəmdə ermənilərin bu boş və bihudə davranışları fayda verməyəcək”.

Ayşən Rəhim