Nida Təhlil
Kamil Zeynallının həbsində sirli məqamlar: Rusiya nə planlaşdırır?
![](https://publika.az/storage/2020/09/11/kamil.jpg?v1725752421)
Kamil Zeynallının Ermənistanın tələbi ilə Rusiyada saxlanılması ətrafında çoxsaylı müəmma var.
Azərbaycan səfirliyinə verilən məlumata görə, “Kamil Zeynallı MDB çərçivəsində 2023-cü ilin mayında Ermənistanın irəli sürdüyü tələb əsasında saxlanılıb, ona qarşı Ermənistan Cinayət Məcəlləsinin bir sıra maddələri ilə ittiham irəli sürülüb”.
Birincisi, prosedur qaydalarına görə, Ermənistan Azərbaycan vətəndaşını MDB məkanında axtarışa verirsə, bununla bağlı təşkilatın rəsmi məlumatı olmalı idi. K.Zeynallı 10 ay öncə axtarışa verilsə də, saxlama qərarı indi niyə verilib?
İkincisi, K.Zeynallının Ermənistan tərəfindən axtarışa verilməsindən sonra dəfələrlə Rusiyada olduğu haqda məlumatlar var, niyə indi saxlanılır?
Ermənistan Baş Prokurorluğunun rəsmi açıqlamasında “K.Zeynallının həbsi ilə bağlı onlarda məlumatın olmadığı” bildirildi, halbuki, rəsmi axtarışa veriblərsə, həbsdən dərhal sonra İrəvana məlumat verilməli idi. Bu təkzibdən sonra Ermənistan DİN Zeynallının axtarışa verildiyini təsdiqlədi. Ermənistan BP və DİN-in ziddiyyətinin səbəbi müəmma olaraq qalır.
Ermənistan Zeynallıya qarşı CM-nin 135, 137, 140, 147 və 149-cu maddələri ilə ittiham irəli sürüb. Bu maddələr əsasən “ müharibə” ilə bağlıdır. Söhbət K.Zeynallının 44 günlük müharibədə Qarabağda “etdiklərindən” gedir. Ki, bu yalnız Ermənistanın iddialarından ibarətdir. Lakin bu ittihamlara görə, Zeynallının Ermənistana təhvil verilməsi hüquqi baxımdan mümkün deyil. Çünki Ermənistan Azərbaycan vətəndaşını, yaxud Azərbaycan Ermənistan və ya digər ölkənin vətəndaşını yalnız o halda həbs edə bilər ki, həmin şəxs axtarış tələbi ilə çıxış edən ölkənin ərazisində cinayət törətsin. Zeynallı Ermənistanda heç bir cinayət törətməyib, onun “nəsə etdiyi” iddia etdikləri Qarabağ Azərbaycan ərazisidir.
Zeynallının “axtarışa verilməsi”ndən uzun müddət sonra Rusiya hüquq-mühafizə orqanları tərəfindən saxlanılmasında Moskvanın marağı daha çox görünür, əks təqdirdə, bu həbs axtarışa verildiyi vaxt baş tutardı.
Mümkündür ki, Rusiya K.Zeynallının qarşılığında Azərbaycandan nəsə, yaxud kimisə istəsin. Görünür, Zeynallının 44 günlük müharibədə “nəsə etdiklərinə” dair görüntülərin olması və Ermənistan tərəfindən “ittiham edilməsi” “qurban” olaraq onun seçilməsində rol oynayıb, yaxud “qurban” olaraq başqa seçimləri olmayıb.
Asif Nərimanlı
![Publika.az](https://publika.az/assets/main/image/logo-nav.png)
-
Dünya01:35
Ukrayna İranı hədələdi: Bu xəbərlər təsdiqlənərsə...
-
Magazin17 Sentyabr 23:46
Zeynəb Xanlarova ilə Nəsibə Abdullayeva bir arada - FOTO
-
Region7 Sentyabr 23:32
İranın paytaxtı bura köçürüləcək - Pezeşkian "başqa çarəmiz yoxdur" deyərək açıqladı
-
ABŞ7 Sentyabr 22:26
Blinken onunla şəxsən görüşmək istəyir
-
Nida Xəbər 7 Sentyabr 21:24
Mehriban Əliyeva İlham Zəkiyevi təbrik etdi
-
Sosial7 Sentyabr 20:30
Hamı Bakının bu qəsəbəsindən torpaq alır - Səbəbi görün nə imiş
-
Region7 Sentyabr 18:15
Mirzoyan Ankarada bəyan etmişdi: Türkiyəyə təhvil verdilər
-
Nəqliyyat7 Sentyabr 17:47
Dünyada bir ilk: Bu avtomobil tarixə düşdü - FOTO