• USD 1,7000 0,00% EUR 1,9371 +0,43%
    • GBP 2,1373 +0,13% RUB 0,0240 0,00%

AŞPA hər zaman qlobal maliyyə şəbəkələrinin maraqlarına xidmət edib - Politoloq

AŞPA hər zaman qlobal maliyyə şəbəkələrinin maraqlarına xidmət edib - Politoloq

“Beynəlxalq strukturların hər biri bu gün ikili standartlarla işləyir. Başda BMT olmaqla digər Avropa strukturlarının və dünyada mövcud olan qlobal təşkilatların hamısı ikili standart yürüdür. Avropa Şurası Parlament Assambleyası (AŞPA) isə ikili standartların ən geniş vüsət aldığı regional platformadır. Azərbaycan bu yanaşmanın əsas hədəflərindən biri olmaqda hələ də davam edir. Bilavasitə həmin təşkilatları maliyyə cəhətdən təmin edən, xüsusilə də böyük təsir imkanı olan dövlətlər öz geosiyasi maraqlarını, bu maraqlar kontekstində istənilən qərarı həmin təşkilatlarda qəbul etdirə bilirlər”.

Bunu Publika.az-a açıqlamasında politoloq Natiq Miri deyib. O qeyd edib ki, AŞPA-nın ikili standartla işləməsi və müəyyən qlobal güclərin maraqları kontekstində bəzən insan haqlarını çox asanlıqla gözardı etməsi heç də təəccüb yaradacaq məsələ deyil:

“Buna görə də son dövrlər AŞPA tamamilə nüfuzdan düşmüş bir quruma çevrilib. Bu baxımdan Avropa Şurası (AŞ) da istisna deyil. Biz bu təşkilatlara, onların uğursuz siyasətlərinə inad olaraq güclü islahatlar apararaq ölkəmizi həm iqtisadi və siyasi, həm də hüquqi cəhətdən gücləndirməliyik. Bu zaman Avropa Şurası (AŞ) kimi ikili standartla işləyən strukturlar hər hansısa bəhanəni əsas gətirərək bizi ittiham edə bilməz. Düşünürəm ki, bu təşkilatların yarıtmaz siyasəti hələ bir müddət davam edəcək.

Baxmayaraq ki, COVID-19 pandemiyasından sonra çoxları düşünür ki, dünyanın nizamı dəyişəcək və müsbətə doğru hansısa ciddi dəyişikliklər olacaq. Dəyişiklik olacaqsa da bu, müəyyən qlobal güclərin, xüsusilə də dünyanı idarə edən qlobal maliyyə güclərinin maraqları kontekstində olacaq. Bu da bütövlükdə dünya maliyyə sistemlərinin daha da inhisarlaşmasına gətirib çıxaracaq. AŞ, Avropa İttifaqı (Aİ) və AŞPA kimi strukturlar bütün zamanlarda qlobal maliyyə şəbəkələrinin maraqlarına xidmət edib və bu gündən sonra da bu şəkildə davam edəcəklər. Biz çox güclü olmalıyıq. Çünki dünya güc faktoru ilə razılaşır”.

Akqabay Mıradov

Halal Nemət

Xəbər lenti

DAHA ÇOX XƏBƏR