Kiyevdən oliqarxa iddia: buğdamızı oğurlayıb Rusiyaya ötürür!

"Bizə məlumat daxil olub ki, İvanişvili və onun ətrafı Ukraynadan oğurlanmış malların, eləcə də buğdanın Gürcüstan ərazisindən Rusiyaya keçirilməsinə şərait yaradır”.

Publika.az xəbər verir ki, bu iddiaları Ukrayna Ali Radasının (Parlament) deputatı Yuri Kamelçuk "Mtavari TV”nin efirində səsləndirib.

“Bu işlər, xüsusilə 2,7 milyard funt-sterlinq biznesi Rusiya ilə bağlı olan oliqarx Bidzina İvanişviliyə aiddir. Yəqin onun tərəfdən də analoji maraq olacaq, biz onun marağı ilə bağlı çoxlu məlumatlar alırıq, həmçinin, onun ətrafındakılar sanksiyaya məruz qalan malların Gürcüstan ərazisindən Rusiyaya ötürülməsini asanlaşdıra bilir. Həmçinin Ukrayna ərazisindən oğurlanmış buğdanı... Biz müvəqqəti olaraq işğal olunmuş ərazilərə qayıdandan sonra daha ətraflı məlumat alacağıq və bu barədə beynəlxalq tərəfdaşlarımıza məlumat verəcəyik",- ukraynalı deputat deyib.

Onun sözlərinə görə, Ukraynaya qarşı fəaliyyət göstərən və Rusiyanın Ukraynada müharibəsini dəstəkləyən şəxslər mütləq sanksiya siyahısında olacaqlar.

Tural Turan