Nida Xəbər
Cənubi Azərbaycanda etirazlar gözlənilir - Sosial şəbəkələrdən başlayacaq

“İranda hər hansı diplomatik bir səfirliyə hücum olunması ilk dəfə deyil ki, baş verir. Bundan öncə Britaniya səfirliyinə, Səudiyyə Ərəbistanın səfirliyinə hücum olmuşdu. Hətta İran inqilabının başlanğıcında, İslam hakimiyyəti gəldikdən sonra Amerikanın səfirliyinə hücum olub və dipomatları girov götürülmüşdü. İndi isə bu hücum Azərbaycanın İrandakı səfirliyinə qarşı həyata keçirilib. İran rəsmiləri tələsik şəkildə hadisəni ailə-məişət zəmnində baş vermiş bir məsələ kimi qələmə verib. Bu onu göstərir ki, bu, tamamilə şübhəli bir hücumdur”.
Bu sözləri Publika.az-a açıqlamasında Britaniyanın “Natural Gas World” jurnalının və Almaniyanın “Deutsche Welle” teleradiosunun eksperti, güneyli yazıçı Dalğa Xatınoğlu deyib.
D. Xatınoğlu hesab edir ki, İran kəşfiyyat orqanlarının xəbəri olmadan belə bir hücumun gerçəkləşməsi qeyri-mümkündür.
“O səbəbdən də, ortaya atılmış və səsləndirilən bu absurd fikir xalqın, özəlliklə də, cənubi azərbaycanlıların düşüncəsini yayındırmaq üçündür. Amma bu, artıq çox çətin və mümkünsüzdür”,- o, deyib.
O vurğulayıb ki, İrandakı azərbaycanlılar hər zaman Azərbaycanda yaşayan soydaşlarına öz dəstəklərini nümayiş etdiriblər:“Biz İkinci Qarabağ müharibəsində də gördük ki, onlar necə əzmlə, necə möhkəm dayanıb Azərbaycan tərəfini dəstəklədi. Baxmayaraq ki, İran, rəsmən Ermənistana silah göndərməklə onun tərəfini tuturdu və bu hal hələ də davam edir. Amma İranda yaşayan türklər aksiyalar keçirməklə, öz mövqelərini açıq-aşkar bildirməklə İran hökumətinə təzyiqlərini göstərdilər və soydaşlarını tək qoymadılar”.
Yazıçının sözlərinə görə, cənubi azərbaycanlılar mövqelərini bildirəcəklər.
“Hazırda, ola bilsin ki, aksiyalar keçirilməsin, xalq küçələrə axınışmasın, amma bu terror hadisəsi güneydə yaşayanların ürək ağrısıdır. Onlar sosial şəbəkələrdə mövqelərini bildirəcək və etiraz edəcəklər. Buna qətiyyən şübhə yoxdur”.
Ayşən Rəhim

-
Qoroskop00:39
Bürclər bu gün nə vəd edir? - "Maaşınızın artırılması üçün real addımlar atın"
-
Region23 Mart 21:17
Ermənistanla Azərbaycan arasında sülh müqaviləsi imzalanacaq - Nikol Paşinyan
-
Nida Xəbər 23 Mart 20:41
Leyla Əliyevadan Ramazan ayı ilə bağlı paylaşım - FOTO
-
MDB23 Mart 19:41
Medvedev nüvə ilə hədələdi: Putin həbs olunsa...
-
Pul23 Mart 19:09
Dolları nə gözləyir? - EKSPERT RƏYİ
-
Avropa23 Mart 18:53
"Budapeşt Putini həbs edə bilməyəcək" - Aparat rəhbəri
-
Qadın23 Mart 18:18
Bu, qadınlarda sonsuzluq riskini 40% artırır
-
MDB23 Mart 18:08
Putin yeni sərəncam imzaladı