Mahir Aslanovun ölüm səbəbi məlum oldu
Bizi izləyin
Aptekonline

Nida Xəbər

Mahir Aslanovun ölüm səbəbi məlum oldu

Mahir Aslanovun ölüm səbəbi məlum oldu

Milli Məclisin sabiq deputatı, iş adamı Mahir Aslanovun ölümünün təfərrüatları məlum olub.

Publika.az “Yeni Sabah”a istinadən xəbər verir ki, uzun müddətdir Rusiyasının Yessentuki şəhərində yaşayan sabiq parlament üzvünün bir ay əvvəl ürəyində ciddi problemlər yaranıb.

O, bununla əlaqədar olaraq Bakıya qayıdıb.

Burada sahibi olduğu “Kəpəz” xəstəxanasında müayinələrdən keçib. Keçirilən müayinələr zamanı Mahir Aslanovun təcili əməliyyata ehtiyacı olduğu müəyyənləşib.

Həkimlər ona Türkiyənin İzmir şəhərində əməliyyat olunmağı məsləhət görüblər. M.Aslanov bununla əlaqədar olaraq adıçəkilən şəhərə gedib və əməliyyat olunub, lakin əməliyyat uğursuz alınıb və keçmiş deputat narkozdan ayılmayıb.

Mərhumun cənazəsinin bu gün Azərbaycana gətiriləcəyi gözlənilir. O, Bakı şəhərində dəfn olunacaq.

Oxumağa davam et
Reklam
Reklam

Gündəm

Aptekonline