Türkiyədə müxalif partiyalar yeni ittifaq yaradır
Bizi izləyin
Aptekonline

Region

Türkiyədə müxalif partiyalar yeni ittifaq yaradır

Türkiyədə müxalif partiyalar yeni ittifaq yaradır

İyunun 24-də Türkiyədə keçiriləcək prezident və parlament seçkiləri öncəsi Cümhuriyyət Xalq Partiyası (CHP), İYİ Partiya, Səadət Partiyası və Demokrat Partiya seçkilərlə əlqədar ittifaq yaratmaq barədə razılığa gəliblər.

Publika.az xəbər verir ki, sözügedən ittifaqın yaradılması ilə bağlı protokolu Mərkəzi Seçki Komissiyasına təqdim etmək üçün mayın 6-a qədər müddət qoyulub.

Hələ imzaların atılmadığı ittifaq protokoluna görə, partiyalardan CHP, İYİ Partiya və SP ilk turda prezidentliyə öz namizədlərini irəli sürəcəklər.

Əgər prezident seçkiləri ikinci tura qalarsa, o zaman bu 4 partiyanın namizədlərindən ilk turda ən yüksək səs alan şəxs adıçəkilən partiyaların vahid namizədi olacaq.

Tərəflər razılığa gəlsələr də hələ ki, ittifaqın yaranması ilə bağlı rəsmi imzalar atılmayıb.

Xəbərdə may ayının 3-də dörd partiyanın liderlərinin birlikdə mətbuat konfransı keçirəcəyi də qeyd edilib.

Könül Cəfərli

Teqlər
Oxumağa davam et
Reklam
Reklam

Gündəm

Aptekonline