Türkiyədən Suriyada örnək addım: Bu ərazilər iqtisadi mərkəzə çevriləcək

Fərat Qalxanı və Zeytun Budağı ilə Suriyanın şimalını terrordan təmizləyən Türkiyə, bölgəni iqtisadi olaraq yüksəltmək üçün yeni investisiyalara başlayıb. Terror təşkilatlarından azad edilən şəhərlər bir-birinə ikiqat yollarla bağlanacaq, Çobanbey Gömrük Qapısından uzanan ikiqat yol sürətli şəkildə Münbiçə qədər çatacaq.

Publika.az Türkiyə mediasına istinadən xəbər verir ki, Suriyada Amerikanın əli ilə yaradılacaq terror dəhlizini Türkiyənin təşəbbüsləri ticarət dəhlizinə çevrir.

Hərbi hərəkatlarla yaradılan etibarlı bölgələrdə ticarət imkanı ilk olaraq Türk iş adamlarına açılacaq.

Verilən məlumatlara görə, Çobanbey ərzisindən başalanacaq ikiqat yolun biri Əl-Ata maşrut xətti ilə, ikincisi isə Cerablus maşrut xətti ilə davam edəcək. Sonrakı dövrlərdə bu yolun Münbiçə keçirilməsi planlaşdırılır. Bu isə Münbiç bölgəsinə açılacaq yeni qapı olacaq.

Bu yolun İraqa və Hələbin şərqinə əhəmiyyətli bir ticari yol funksiyası daşıyacağı bildirilib.
Hazırda Rusiya və Türkiyə arasında Hələb barədə müzakirələr davam edir. Tamamilə dağıdılan şəhərin abadlığı və suriyalıların qayıtması üçün də İran-Rusiya-Türkiyə arasında Türkiyə sərhədindən Hələb və Münbiç sərhədlərinə qədər uzanan 30 kilometrlik yolun birgə yenidənqurma və bərpa məsələləri də müzakirə edilir.

Könül