ABŞ və Fransadan Türkiyə sərhədində ŞOK ADDIM: Yeni terror dövlətin yaradılması PLANI

Türkiyənin İraqda PKK-ya qarşı “Pəncə-Qartal” əməliyyatı keçirdiyi vaxtda cənub sərhədlərində – Suriyanın şimalında diqqətçəkən hadisə baş verib.

Publika.az xəbər verir ki, ABŞ və Fransa Suriyanın şimalında kürd qrupları ilə terror təşkilatı (PYD/YPG) arasında müqavilə imzalanmasını təmin edib. Bu anlaşmaya Şimali İraq Kürd Muxtariyyəti də dəstək verib.

Türkiyəli ekspert Faruk Aktaş hesab edir ki, Bərzani hakimiyyəti ABŞ-ın təzyiqi ilə bu prosesə qoşulub.

“Çavuşoğlunun iki gün öncə verdiyi açıqlamanın hədəfində onlar da var. Yəni PKK ilə əməkdaşlıq edən hər kəs terrorçu kimi qiymətləndiriləcək. Bərzani hakimiyyəti nə edəcəyini bilmir, bir tərəfdən PKK-dan xilas olmaq istəyir, bir yandan da ABŞ-ın PKK ilə əməkdaşlıq etməsi üçün göstərdiyi təzyiqə qarşı çıxa bilmirlər. Bu belə davam edərsə, Ankara Bağdadla əlaqələri gücləndirəcək və bu, Bərzaniləri sonu olacaq”, - o bildirib.

F.Aktaşın fikrincə, Türkiyə bundan sonra terrorçulara daha ağır zərbələr endirəcək.

Asif