176 nəfərin öldüyü “qəza”nın istintaqı yekunlaşdı - RƏSMİ

İran Ukrayna Xarici İşlər naziri Dmitri Kulebaya Kiyevin Tehrandan Ukraynanın “Boeing” təyyarəsinin qəzaya uğraması ilə bağlı texniki hesabat almadığı iddiasına cavab verib.

Publika.az-ın məlumatına görə, qəza ilə bağlı istintaqın başa çatdığı bildirilib.

İranın Yollar və Şəhərsalma naziri Məhəmməd Eslami qeyd edib ki, istintaqın yekun hesabatı həm ingilis, həm də fars dilində çap olunub və iştirak edən bütün tərəflərə təhvil verilib.

Qeyd edək ki, Ukrayna Beynəlxalq Hava Yollarına məxsus “Boeing 737-800” tipli təyyarə 8 yanvarda Kiyevə uçmaq üzrə Tehran hava limanından qalxdıqdan bir müddət sonra qəzaya uğramışdı. Nəticədə təyyarədəki 176 nəfərin hamısı ölmüşdü. Ölənlər İran, Ukrayna, Kanada, Böyük Britaniya, Almaniya, İsveç və Əfqanıstan vətəndaşları idi. 11 yanvarda İran hərbçiləri Ukraynanın təyyarəsinin “təsadüfən” vurulduğunu, günahın insan amilində olduğunu açıqlamışdı. Belə ki, təyyarə İran hərbi obyektinin yaxınlığından uçubmuş və qanadlı raketlə səhv salınıbmış. Eyni zamanda, İran həmin ərəfələrdə ABŞ-dan hücum gözlədiklərini, bununla əlaqədar olaraq ölkənin hava hücumundan müdafiə sistemlərinin tam döyüş hazırlığına gətirildiyini qeyd etmişdi.

Zümrüd