Putin və Makron arasında telefon danışığı – Mayın 28-dən bəri İLK DƏFƏ

Fransa Prezidenti Emmanuel Makron Rusiya Prezidenti Vladimir Putinə zəng edib.

Publika.az xəbər verir ki, bu, onların mayın 28-dən sonra ilk söhbətidir.

Kremlin mətbuat xidmətinin məlumatına görə, söhbət zamanı prezidentlər Beynəlxalq Atom Enerjisi Agentliyinin (MAQATE) missiyasının Zaporojye AES-ə göndərilməsinin vacibliyini qeyd ediblər və Rusiya prezidenti bu missiya ilə işləməyə kömək etməyə hazır olduğunu bildirib.

Söhbətin fransız versiyası hələ verilməyib.

Vladimir Putin Emmanuel Makrona deyib ki, Ukraynanın Zaporojye Atom Elektrik Stansiyasını atəşə tutması “böyük miqyaslı fəlakət” təhlükəsi yaradır. Onun sözlərinə görə, AES ətrafında real vəziyyəti yerindəcə qiymətləndirə biləcək MAQATE missiyasının tezliklə göndərilməsi vacibdir.

İki ölkə lideri iyulun 22-də İstanbulda Ukrayna taxılının ixracına dair sazişi də müzakirə ediblər. Rusiya Prezidenti qeyd edib ki, Qara dəniz limanlarından Rusiya məhsullarının ixracı üçün “maneələr hələ də qalmaqdadır”.

Səxavət