Region

Türkiyə II Elizabetin dəfn mərasiminə nə qədər gül göndərəcək? - FOTO

13 Sentyabr 2022 07:45

Kraliça II Elizabetin dəfn mərasimində istifadə edilmək üçün Türkiyədən Böyük Britaniyaya ən azı 1,5 milyon gül - əsasən də qərənfillər göndəriləcək.

Publika.az xəbər verir ki, bu barədə "Hürriyet" yazıb.

"Britaniyadan tələbatda ciddi artım var... Adətən bu dövrdə Britaniya bazarına hər həftə 600-700 min gül göndəririk, lakin Kraliça Elizabetin ölümü ilə cənazə dönəmində bu rəqəmin ən azı 1,5 milyona çatacağını təxmin edirik" - deyə Orta Anadolu Bəzək Bitkiləri və Məhsulları İxracatçıları Birliyinin rəhbəri İsmayıl Yılmaz bildirib.

O, ilk növbədə qərənfillərə tələbatın artdığına aydınlıq gətirib.

Çatdırılmanı sürətləndirmək üçün ənənəvi yük maşınları əvəzinə çiçəklər Britaniyaya hava yolu ilə çatdırılacaq.

Antalya Ticarət Birjası Assambleyasının üzvü Səlcuq Çələbi, "Birinci halda çatdırılma 7-8 gün çəkirsə, o zaman təyyarə ilə çiçəklər ertəsi gün ünvanında olacaq", - deyib.

Murad