Region

ÜST-dən QORXULU AÇIQLAMA: "Zəlzələ qurbanlarının sayı 8 dəfə arta bilər"

7 Fevral 2023 07:30

"Türkiyədə zəlzələ qurbanlarının sayı 8 dəfə arta bilər".

Publika.az xarici KİV-ə istinadla xəbər verir ki, bunu Ümumdünya Səhiyyə Təşkilatının (ÜST) Avropadakı fövqəladə hallar üzrə yüksək rütbəli zabiti Ketrin Smolvud deyib.

"Təəssüflər olsun ki, biz zəlzələlərdə həmişə eyni şeyi müşahidə edirik, yəni dağıntılar təmizləndikcə ölən və ya yaralananların sayı ilə bağlı ilkin məlumatlarda nəzərəçarpacaq dərəcədə artım müşahidə olunur", - Smolvud deyib.

Onun sözlərinə görə, qurbanların müəyyən edilməsi dinamikasına və dağıntıların miqyasına əsasən, yaxın günlərdə zəlzələ qurbanlarının sayı 8 dəfə arta bilər.

Xatırladaq ki, fevralın 6-da yerli vaxtla saat 4:17-də Türkiyənin Kahramanmaraş vilayətinin Pazarcık rayonunda 7,7 bal, saat 13:24-də isə Elbistan rayonunda 7,6 bal gücündə iki zəlzələ qeydə alınıb.

Hüseyn İbadlı