Region

Hanı sanksiya? - Rusiya nefti rekord qırır

10 May 2023 15:56

Rusiya xam neftinin beynəlxalq bazarlara ixracı Qərbin tətbiq etdiyi sanksiyalara baxmayaraq, demək olar ki, dəyişməz olaraq qalıb. Üstəlik, son dörd həftə ərzində tədarüklər ən yüksək səviyyəyə qalxıb.

Publika.az xəbər verir ki, bu barədə "Bloomberg" xəbər verir.

Agentliyin məlumatına görə, aprel-may aylarında Rusiya gündəlik orta hesabla 3,55 milyon barel neft ixrac edib ki, bu da ötən ilin eyni dövrü ilə müqayisədə 0,4 milyon barel çoxdur. 2022-ci ilin yanvarından statistikasını aparan "Bloomberg"in məlumatına görə, bu, müşahidələr tarixində ən yüksək göstəricidir.

Əsas xammalın alıcıları Hindistan (1,87 milyon barel), Çin (1,01 milyon barel) və Türkiyə (0,18 milyon barel) olub.

Qalan həcmlər "naməlum" ölkələrə göndərilib, Avropaya isə demək olar ki, ixrac olunmayıb.

Agentlik vurğulayır ki, neft tədarükünün artmasına baxmayaraq, Moskvanın onun satışından əldə etdiyi gəlirlər endirimlərin təmin edilməsi zərurəti və daşıma sığortası ilə bağlı əlavə xərclər səbəbindən azalır.

Ayşən