Region

Rusiya son nöqtəni qoydu: yalnız Bakı ilə müzakirə edəcəyik!

10 Fevral 2024 12:08

Moskva regionda vəziyyətin köklü dəyişməsi ilə əlaqədar Rusiya sülhməramlılarının Qarabağda olması şərtlərini yalnız Bakı ilə müzakirə edəcək.

Publika.az xəbər verir ki, bunu TASS-a müsahibəsində Rusiya Federasiyası xarici işlər nazirinin müavini Mixail Qaluzin deyib.

“Qarabağda vəziyyətin köklü dəyişdiyini nəzərə alaraq, sülhməramlılarımızın qalma şərtləri yalnız Azərbaycan tərəfi ilə müzakirə olunur”, - nazir müavini qeyd edib.

Qaluzinin sözlərinə görə, Azərbaycanla dialoq konstruktiv xarakter daşıyır. “Biz bütün yaranan məsələləri qarşılıqlı məqbul şəkildə həll edirik. 2025-ci ilin noyabrından sonra Rusiya sülhməramlı kontingentinin səlahiyyətlərinin uzadılmasına gəlincə, bu, regiondakı vəziyyətdən, onların gələcək iştirakı tələbindən və Bakı ilə müvafiq razılaşmalardan asılı olacaq ”, - nazir müavini əlavə edib.

Murad

Teqlər Sülhməramlılar