Gürcüstan Helsinki Komissiyasına müraciət etdi: Sübut təqdim edə bilməsəniz...

ABŞ Konqresinin nəzdində fəaliyyət göstərən Avropada Təhlükəsizlik və Əməkdaşlıq Komissiyası (Helsinki Komissiyası) Gürcüstan hakimiyyətinə ölkədə keçirilən son parlament seçkilərində baş vermiş pozuntularla bağlı sübutlar təqdim etməlidir.

Publika.az xəbər verir ki, bunu hakim "Gürcü Arzusu - Demokratik Gürcüstan" partiyasının icraçı katibi Mamuka Mdinaradze bildirib.

“Əks halda, Helsinki Komissiyasının yalan danışdığı aşkar olacaq”, - deyə siyasətçi bildirib.

Mdinaradze seçicilərin saxtakarlığına dair “aydın sübutların” olduğunu iddia etdikdən sonra Helsinki Komissiyasına müraciət edib. O vurğulayıb ki, bu cür ifadələr ciddi iddialardır və sübutlarla təsdiqlənməlidir. “Gürcü Arzusu” katibinin fikrincə, sübutsuz ittihamlar ABŞ prezidenti Co Baydenin administrasiyasına qarşı təhqirdir .

Bundan əvvəl Gürcüstan prokurorluğu seçki nəticələrinin mümkün saxtalaşdırılması ilə bağlı araşdırmaya başlayıb. Gürcüstanın Baş Prokurorluğu bildirib ki, istintaq və prosessual hərəkətlər planlaşdırılır.

Tural