Region

Xameneinin adı "ölüm siyahısı"nda - İsrailin potensial hədəfləri AÇIQLANDI

15 İyun 2025 02:42

İranın ali dini lideri Seyid Əli Xamenei İsrailin hədəf siyahısından çıxarılmayıb.

Publika.az xəbər verir ki, bu barədə “The Wall Street Journal” (WSJ) İsrail rəsmisinə istinadla məlumat yayıb.

O bildirib ki, İsrail hakimiyyəti İslam Respublikasının nüvə proqramının məhv edilməsi üçün potensial hədəfləri, o cümlədən Xamneyini nəzərdən keçirir.

Mənbənin sözlərinə görə, İDF zərbələri təkcə nüvə infrastrukturuna deyil, həm də düşmənin siyasi və hərbi sabitliyini pozmaq üçün edilir.

Xatırladaq ki, iyunun 13-nə keçən gecə İsrail İranın nüvə və hərbi obyektlərinə zərbələr endirərək “Yüksələn Şir” əməliyyatına başlayıb. Hücumlar nüvə silahının inkişafı ilə bağlı infrastrukturu, eləcə də yüksək rütbəli hərbçiləri hədəf alıb.

Hüseyn İbadlı