Türkiyə hücumlardan narahatdır - Qara dənizdə ciddi risklər yaranıb
Bizi izləyin
Aptekonline

Region

Türkiyə hücumlardan narahatdır - Qara dənizdə ciddi risklər yaranıb

Türkiyə hücumlardan narahatdır - Qara dənizdə ciddi risklər yaranıb

Türkiyə Qara dənizdə insan həyatı, gəmiçilik və ətraf mühit üçün təhlükə yaradan iki tankerə edilən hücumlardan narahatdır.

Publika.az xəbər verir ki, bu barədə Türkiyə Xarici İşlər Nazirliyinin sözçüsü Öncü Keçeli "X" sosial media platformasında məlumat verib.

"Bizim eksklüziv iqtisadi zonamızda baş verən bu hadisələr bölgədəki naviqasiya, insan həyatı, əmlak və ətraf mühitin təhlükəsizliyi üçün ciddi risklər yaratdı", - o yazıb.

Noyabrın 28-də Türkiyənin Nəqliyyat Nazirliyi Novorossiysk istiqamətində hərəkət edən Qambiya bayrağı altında "Virat" və "Kairos" tankerlərində yanğınlar baş verdiyini bildirib.

"Virat" Türkiyə sahillərindən təxminən 35 dəniz mili aralıda vurulub. Gəmidə 20 ekipaj üzvü olub, hamısının vəziyyəti qənaətbəxşdir. Gəminin kapitanı gəmiyə PUA-nın hücumu barədə məlumat verib.

Bu arada Misirdən yola düşən "Kairos" tankeri dəniz minasına düşmüş ola bilər.

Hüseyn İbadllı

Oxumağa davam et
Reklam
Reklam

Gündəm

Aptekonline