Region

İran Vanda baş konsulluq açır

30 Noyabr 2025 16:54

"Yaxın zamanda Van şəhərində İranın baş konsulluğu açılacaq".

Publika.az xəbər verir ki, bunu Türkiyənin xarici işlər naziri Hakan Fidan Tehranda iranlı həmkarı Abbas Əraqçi ilə birgə mətbuat konfransında bildirib.

Bölgədə təhlükəsizliyin vəziyyətinə toxunan Hakan Fidan qeyd edib:

“Məqsədimiz Qəzzada böyük səylər nəticəsində əldə olunan atəşkəsin qorunması və növbəti mərhələyə keçidin təmin edilməsidir.”

Nazir həmçinin Ukrayna–Rusiya müharibəsi ilə bağlı deyib:

“Sülhün bərqərar olması həm Türkiyə, həm də region üçün xüsusi əhəmiyyət daşıyır. Bu prosesin həyata keçməsi üçün Prezidentimizin rəhbərliyi altında bütün qurumlarımız səylərini davam etdirir. Avropa, Ukrayna, Rusiya və ABŞ-ın atdığı addımları dəstəkləyirik. Ümid edirik ki, Rusiya–Ukrayna sülhü yaxın zamanda gerçəkləşər.”