Region

Kadırovun generalının kürəyinə endirilən “bıçaq zərbəsi” - Rusiyada nə baş verir?

10 Dekabr 2025 14:12

“Axmat” xüsusi təyinatlılarının komandiri Apti Alaudinovun tənqid atəşinə tutulması qəbuledilməzdir.

Publika.az xəbər verir ki, bu barədə Rusiya İnsan Hüquqları üzrə Müvəkkili (Ombudsman) Tatyana Moskalkova deyib.

Ombudsman bildirib ki, “Axmat”ın rəhbəri sosial şəbəkələrdə tənqid olunur.

“Alaudinovun tabeliyində olanlar Sudja yaxınlığındakı Potok əməliyyatında iştirak ediblər və “Axmat” komandirinin özü də əməliyyatın ilk günlərindən “cəbhə xəttində” olub. Mənfi bəyanatlar əsl vətənpərvərin kürəyinə endirilən bıçaq zərbəsi kimidir, haqsız və ədalətsiz yanaşmadır”, - o deyib.

Qeyd edək ki, general-leytenant Alaudinov tez-tez çeçenlər və ya müsəlmanlarla bağlı insdentlərə münasibət bildirir, onlara qarşı çıxanlarla bağlı kobud ifadələr işlədir.

Asif