Paşinyanın müəmmalı mövqeyi: Nə əldən qoyur, nə yardan doyur

Ermənistanın baş naziri Nikol Paşinyan İrəvanın strateji məqsədinin Avropa İttifaqına üzvlük olduğunu təsdiqləyib. Lakin bildirib ki, Avrasiya İqtisadi İttifaqından çıxmaq hələ məqsəd hesab edilmir və ölkə həlledici məqama çatmayıb.

Publika.az xəbər verir ki, Paşinyan bu barədə Almaniya səfəri zamanı danışıb.

Onun sözlərinə görə, eyni vaxtda iki assosiasiyaya üzv olmaq mümkün deyil, ona görə də gələcəkdə qərar verilməlidir. Lakin onun Almaniyaya səfəri zamanı vurğuladığı kimi, indi qərar verməyə ehtiyac yoxdur. Paşinyan bir daha vurğulayıb ki, mümkün çıxışla bağlı müzakirələr artıq qaldırılıb və istənilən ssenari nəzəri cəhətdən mümkündür, lakin hələlik müzakirələr uzunmüddətli hədəflərə yönəlib.

Qeyd edək ki, Ermənistan parlamenti bundan əvvəl Aİ standartlarına keçid prosesinə başlamaq üçün qanunu təsdiqləyib. Baş nazir izah edib ki, bu, ilk növbədə, insan hüquqları, məhkəmə sistemi, iqtisadiyyat və məhsulun keyfiyyətinə nəzarət sahələrində islahatlar üçün stimuldur.

O qeyd edib ki, Avropa tələblərinə obyektiv riayət edilmədən Aİ-yə üzvlük üçün müraciət etmək mənasız olardı. Ölkə lazımi səviyyəyə çatdıqdan sonra İrəvan üzvlük üçün rəsmi müraciət edəcək. Baş nazirin fikrincə, o vaxta qədər Ermənistan istənilən halda idarəetmə sisteminin Avropa standartlarına uyğunlaşdırılmasından faydalanacaq.

Xatırladaq ki, Ermənistan prezident Vaaqn Xaçaturyan isə artıq respublikanın Aİ-yə doğru irəliləmək niyyətini rəsmi şəkildə təsbit edən qanunu təsdiqləyib.

Adəm