Region

Rusiyalı deputatdan Türkiyəyə qarşı Krım ittihamı: Qərəzlidir

17 Mart 2026 12:44

Rusiya Dövlət Dumasının Beynəlxalq Əlaqələr Komitəsinin üzvü Dmitri Belik Türkiyənin Krımla bağlı mövqeyini tənqid edib.

Publika.az xəbər verir ki, deputat bunu “RİA Novosti”yə verdiyi müsahibədə deyib.

Parlament üzvü Ankaranın mövqeyini şərh edərkən bildirib ki, "Türkiyənin Krımın Rusiya statusu ilə bağlı açıq-aydın faktları etiraf etməkdən çəkinməsi qərəzliliyi nümayiş etdirir. Bu cür açıqlamalar Krım sakinlərinə qarşı təhqiramizdir".

Belik 2014-cü ilin mart ayında keçirilən “referendum”un qanuni şəkildə keçirildiyini və beynəlxalq hüquqa uyğun olduğunu vurğulayıb.

Daha əvvəl Vladimir Zelenski Krımın ilhaqının tərəfdarlarının insan olmadıqlarını bildirmişdi. Buna cavab olaraq Kremlin sözçüsü Dmitri Peskov 12 il əvvəl keçirilən referendumda Rusiyaya birləşmək üçün səs verən yarımada sakinləri ilə qürur duyduğunu deymişdi.

Tural