Yəhudi professordan koronavirusu MƏHV EDƏN müalicə üsulu - VİDEO

“Antibiotiklər və peyvəndlər sayəsində mikroblarla mübarizə aparmağı öyrəndik. Ancaq viruslar daha mürəkkəbdir. Virus müstəqil orqanizm deyil, hüceyrəyə daxil olduqda canlanan DNT və ya RNT parçasıdır. Kompüterə qoşulmadan heç bir fəaliyyət göstərməyən, amma qoşulduqda ona virus salan fləşkart kimidir”.

Publika.az xəbər verir ki, bu sözləri 25 ildir ki, psixosomatika problemləri ilə məşğul olan İsrail Universitetinin professoru Rav Eli Talberq koronavirus pandemiyasından danışarkən deyib. Onun sözlərinə görə, virusların ştammlarının sayı mikroblardan çoxdur və daha sürətli mutasiya edirlər:

“Odur ki, qripə qarşı peyvənd yalnız mövsümdə ən populyar olan bir neçə ştamma qarşı təsirli olur. Peyvənd sağlam insana xəstəliyi asan keçirməyə kömək edir, amma digər ştammların xəstələnməsinin qarşısını almır”.

Talberqin fikrincə, koronavirus ağciyər fibrozu və sətəlcəmə səbəb olduğu üçün təhlükəlidir:

“Fibroz zamanı ağciyərin içərisində bir-birindən fərqli yerlərə nüfuz edən birləşdirici toxuma bağları meydana gəlir. İçəridən bağlanan belə bağlar ağciyərlərin açılmasına imkan vermir, odur ki, qaz mübadiləsi kəskin azalır. Bundan əvvəl bədəndə yaşayan bakteriyalar ağciyərlərin ikinci iltihabına səbəb olur, insan boğulmağa başlayır. Bədənin virusu öldürməsi, sətəlcəm xəstəliyini məğlub etməsi, fibroz iplərin tədricən qırılması üçün temperatur yüksəlir. Problem ondadır ki, koronavirusda temperatur fibroz artıq əmələ gəldikdə yüksəlir. Süni tənəffüs aparatına qoşulma əvvəlki gücünü qaytarmaq ümidilə həyat mübarizəsinin mərhələsini uzadır”.

Talberqin təklif etdiyi həll yolu professor Zalmanov və onun davamçılarının fiziologiya, patologiya haqqında məlumatlarına, eyni zamanda klinik təcrübəsinə söykənən dərin biliyə əsaslanır. Onun məqsədi temperaturu süni şəkildə qaldıraraq bədənin qalib gəlməsinə yardım etməkdir. Söhbət döş qəfəsinin sarınmasından gedir. Dərin isitmə təkcə hüceyrələrarası məkanda olan virusları məhv etmir, həm də alveollarda qaz mübadiləsini gücləndirir və fibroz yapışmaları məhv edir. Professor Zalmanov isti sarğılarla bronxit, sətəlcəm, traxeit, hətta ağciyər vərəmini müalicə edirdi.

“Kiyevdəki hərbi klinikada işlədiyim zaman professor Zalmanovun kapilyar terapiyası ilə tanış oldum. Bu metod mənə və çox sayda insana sətəlcəmdən sağalmağa kömək etdi”, - deyə yəhudi həkim açıqlamasında qeyd edib.

Proseduru həkim ətraflı izah edib:

- Bir yorğan götürün, üç-dörd qat qatlayın.

- Böyük dəsmalı qatlayıb yorğanın üstünə qoyun.

- Kiçik dəsmalı da qatlayın. Uzunluğu elə olmalıdır ki, döş qəfəsini tamamilə örtsün (qoltuqdan aşağı qabırğaya qədər).

- Kiçik dəsmal qatlayın, 60 dərəcəlik temperaturda suya batırın, bir az sıxın, sərin və tez şəkildə xəstəni bürüyün.

- Bürüyün və tək buraxın.

Yoluxmuş şəxsin müalicə rejimi: 20 dəqiqə nəm isti, sonra yorğan və dəsmal alınır, 40 dəqiqə yataq rejimində istirahət. Bu prosedur üç gün, gündə bir dəfə həyata keçirilir. Üç günlük fasilədən sonra kursu təkrarlayın.

Ağır xəstə üçün sxem: 30 dəqiqə, gündə iki dəfə və həkim nəzarəti altında.

İsitmə sarğılar hamilə qadınlar və dəri xəsarətləri olan insanlar üçün tövsiyə edilmir.

Aytən Məftun,

Video Sevinc Xanqızı