Karantindən sonra rasionu necə dəyişməli? - Bu məhsullar gözlərinizi və dərinizi mükəmməl edəcək
Bizi izləyin

Sağlamlıq

Karantindən sonra rasionu necə dəyişməli? - Bu məhsullar gözlərinizi və dərinizi mükəmməl edəcək

Həkimlər müsahibələrində bildirib ki, karantin müddətində çoxumuzda vitamin çatışmazlığı yaranıb. Kifayət qədər hərəkət etmirik, kompüter arxasında və smartfonlarda daha çox vaxt keçiririk. Bütün bu amillər gözlərimizə, dərimizə və hətta əhval-ruhiyyəmizə mənfi təsir göstərir.

Publika.az xəbər verirk ki, dietoloqlar bu problemləri aradan qaldırmaq üçün rasiona yerkökü, çuğundur, badam, balıq kimi faydalı məhsulları daxil etməyi tövsiyə edir.

Gözləri xilas edin

Görmə qabiliyyətini yaxşılaşdırmaq istəyirsinizsə, spirtli içki, şirniyyat, ağ çörək, tünd çay və qəhvədən tamamilə imtina etməlisiniz. Əsas odur ki, faydalı maddələri rasiona daxil edin, bu, nəinki maddələr mübadiləsini sürətləndirməyə, həm də “görməyə” kömək edəcək.

Yerkökü

Yerköküdə çox sayda b-karotin var, retinoid bədəndə A vitamininə çevrilir və gözləri gücləndirir. Karotinin bədəndə zəif udulduğunu xatırlamaq vacibdir, odur ki, rusiyalı dietoloq Yekaterina Zaxarova yerkökünü sağlam yağlarla - zeytun yağı və ya pendir ilə yeməyi məsləhət görür.

Göyərti

Göyərtilərdə zeaxantin və lutein adlı maddə var. Bu maddələr karotenoidlərdir və görmə qabiliyyətinə kömək edir. Görmə qabiliyyəti daha kəskin, gözlər daha möhkəm olur və daha az yorulurlar. İspanaq, cəfəri, şüyüd və kahı gözləri vaxtından əvvəl qocalmaqdan və ultrabənövşəyi radiasiyadan qoruyur. Brokkoli kataraktanın qarşısını alır və gözləri gücləndirir.

Qarağat

Qarağat görmə üçün yaxşıdır. Bu, rəvayət deyil. Qarağat kapilyarların divarlarını gücləndirən və gözləri distrofiyadan qoruyan antosiyaninləri ehtiva edir. Giləmeyvə içərisində qan mikrosirkulyasiyasını normallaşdıran və iltihab əleyhinə təsir göstərən bir çox tanin var.

Yeri gəlmişkən, giləmeyvə dondurulduqdan və bişirildikdən sonra da faydalı xüsusiyyətlərini saxlayır. Odur ki, cem və ya dondurulmuş giləmeyvəni rahatlıqla istifadə edə bilərsiniz.

Vitamin C

Sitrus meyvələrində - limon, portağal və greyfurt - C vitamininin çox olması səbəbindən gözlərimiz üçün bir çox fayda tapa bilərsiniz. Bu vitamin gözlərin kapilyarlarını gücləndirir. Tərkibində portağaldan 25 qat daha çox C vitamini var. Sitrus meyvələrinə allergiyanız varsa, fitoterapevtlər onları qızılgül cövhəri ilə əvəz etməyi məsləhət görür.

Balıq

B6 vitamini və doymuş yağ turşularının zəngin mənbəyidir. Birincisi, mərkəzi sinir sisteminin normal işləməsindən məsuldur. Bədəndə B6 yoxdursa, gözlər tez yorulur. Və yağ turşuları, Omeqa-3 görmə qabiliyyətini qorumağa kömək edir. Balıq sevmir və yemək istəmirsinizsə, bu məhsulu balıq yağı kapsulları ilə əvəz edin. Onların nə dadı, nə də qoxusu var və faydaları balığın özündə olduğu qədərdir.

Dərini xilas edin

Rasiona yuxarıda sadalanan məhsulların hamısını əlavə etsəniz, yalnız görmə qabiliyyətinizi yaxşılaşdırmayacaq, həm əlavə çəkidən xilas ola, həm də dərinizi sızanaq və digər problemlərdən təmizləyə bilərsiniz. Ancaq dəri tonunu bərpa etmək, parlaqlığını qorumaq üçün bir sıra məhsullar var.

Badam

Badamın tərkibində yağ turşuları, Omeqa-3, Omeqa-6, protein və biotin var, bu da dərimizi yaxşılaşdırır, elastik edir və yaşlanma prosesini ləngidir. Vitamin E ultrabənövşəyi şüaların təsirini azaldır, nazik qırışları aradan qaldırır. Omeqa-3 sizi kədər və pis əhval-ruhiyyədən azad edəcək təbii antidepresantdır.

Çuğundur

Çuğundur suyu A vitamini, natrium, kalsium, kalium və maqneziumla zəngindir. Dərimiz üçün mükəmməl kokteyldir. O vücudun toksinlərdən xilas olmasına kömək edir və xolesterini azaldır. Ancaq bu məhsulla diqqətli olmaq lazımdır, çünki laksatif təsir göstərir. Arıqlamaq istəyənlər üçün effektivdir.

Şokolad

Bəli, şirniyyat dərimiz üçün də faydalı ola bilər. Kakao miqdarı yüksək olan bir dilim şokolad - 70%-dən az olmamaqla əhval-ruhiyyəni yaxşılaşdırır, dəri, saç və dırnaqlara müsbət təsir göstərir.

Süd məhsulları

Qatıq, kəsmik, kefir həzmi yaxşılaşdırır və bədəndən toksinlərin aradan qaldırılmasına kömək edir. Kefirə qarağat və ya böyürtkən əlavə edib qarışdırsanız, daha çox faydaları olacaq - gözlər, dəri və bədən quruluşu üçün.

Dietoloqlar və dermatoloqlar rasionda tarazlığın vacib olduğunu qeyd edirlər. Su balansını da unutmamalıyıq. Su zərərli maddələri bədəndən atır və faydalı olanları lazımi hüceyrələrə daşıyır. Odur ki, bütün orqanlar üçün mümkün qədər təmiz su, vitaminli meyvə içkiləri və ya təbii tərkibli limonad içməyə çalışın.

Aytən Məftun

Oxumağa davam et
Reklam
Reklam

Gündəm