Gözəllik və gənclik vitamini haqqında BİLMƏDİKLƏRİMİZ

Gözəl və hamar dəri, qalın və ipək kimi yumşaq saçlar qəribə səslənsə də, bağırsaqların vəziyyətindən asılıdır. Gözəllik vitamini kimi tanınan Biotin dünyadakı bütün kosmetik vasitələrdən daha çox kömək edə bilər.

Publika.az xəbər verir ki, yalnız dəri və saç hüceyrələrini təmin etmək üçün bu vitaminin qaraciyərdə daimi ehtiyat şəklində olması lazımdır, eyni zamanda bütün orqanizm üçün inanılmaz qidadır.

Biotin maya, qaraciyər, yumurta sarısı, pomidor, soya, qəhvəyi düyü və kəpəkdə olur. Ancaq hüceyrələrimizə lazım olan Biotin əsasən bağırsaqlarımızdakı bakteriyalar tərəfindən ifraz olunur. Özümüz vitamin istehsalçılarıyıq. Lakin bu, yalnız bağırsaq mikroblarının müstəsna dərəcədə mürəkkəb, həssas və nizamlı fəaliyyəti pozulmadıqda mümkündür. Bağırsaqların normal çalışması üçün onlara yalnız sağlam, faydalı qidalar lazımdır. Bu da o deməkdir ki, təbiət “ən ucuz” gözəllik salonudur.

Balansın pozulması, məsələn, bir stəkan araq, bir az şəkər və ya antibiotik tableti xaosa səbəb ola bilər. Bu vəziyyətdə Biotin ifrazı azalır. Maddələr mübadiləsini öyrənən müasir biokimyaçılar zəif qidalanan insanların saçlarının tökülməsinə, dərilərinin solğun və quru göründüyünə təəccüb etmirlər.

Ümumi çəkisi qaraciyərin ağırlığına (təxminən 1,5 kiloqram) bərabər olan və maddələr mübadiləsi prosesində məhsuldarlığı baxımından ondan aşağı olmayan bağırsaqlarda dörd kvilyon mikroorqanizmlər yaşayır. Sağlam bağırsaq florası patogenlər yolunda keçilməz qaladır. Eyni zamanda, bağırsaqlar Biotin və ya K kimi vitaminlər ifraz edir və bədənə enerji verir. Beləliklə, bədənimizin özü bir növ vitamin fabrikidir. Bu səbəbdən də gözəl hamar dəri və qalın ipək saçlar bağırsaqlardan asılı vəziyyətdədir. Bakteriyaların ifraz etdiyi Biotini düzgün qidalanma əsasında özümüz hazırlayırıq.

Qızardılmış kartof, qaymaqlı tortlar, konservləşdirilmiş yeməklər, kotlet və ya xırtıldayan çubuqlar ilə hisə verilmiş kolbasaya üstünlük verənlər altı həftə ərzində bütün bağırsaq florasını öldürə bilərlər. Alkoqol, nikotin və həblərdən sui-istifadə bu işi sürətləndirir. Qeyri-sağlam qidalanma nəticəsində təbiətin bu qədər diqqətlə yaratdığı minlərlə növ mikroorqanizmlərdən ibarət bütün dünyanı məhv edə bilərsiniz. Bu, bir meşəni bütün ağaclardan, kollardan, otlardan, çiçəklərdən, yosundan, bütün böyük və kiçik heyvanlardan məhrum etmək, sonra turşu ilə sulamaqla eynidir. Bundan sonra nə baş verdiyini özünüz təsəvvür edin. Bağırsaq florasının pozulması ishal və ya qəbizlik, şişkinlik, kəskin nəfəs qoxusu, saç tökülməsi, dəri problemləri kimi həzm pozğunluqları ilə asanlıqla müəyyən edilə bilər.

Biotin qanda şəkərin səviyyəsini sabitləşdirir

Zədələnmiş bağırsaqların və keyfiyyətsiz qidaların piylənməyə səbəb olması səbəbindən çoxları pəhriz saxlayır. Əslində bütün bu problemlərin səbəbi son dərəcə vacib olan Biotində dayanır.

Meyvə pəhrizində çox vaxt Biotin olmur. Eyni sözləri kartof və ət pəhrizi haqqında da demək olar. Xüsusi yumurta pəhrizinə əməl edən və ardıcıl olaraq üç gün ərzində yalnız yumurta ağını yeyən hər kəs bağırsaqdakı bütün Biotini itirir, çünki yumurta ağında olan (zülallar və karbohidratlardan ibarət qoruyucu maddələr) Biotini məhv edir.

Son məlumatlara görə, Biotin mədəaltı vəzi hormonu - insulinə qarşılıqlı təsir edərək karbohidrat mübadiləsində mühüm rol oynayır. Bundan əlavə, Biotin qlükokinaz ifraz olunmasında iştirak edir. Qlükokinaz qaraciyərdə ifraz olunur, burada Biotin saxlanılır. Bu, qaraciyərində qlükokinaz səviyyəsinin aşağı olduğu diabet xəstələri üçün xüsusilə vacibdir. Biotin əlavələri (gündə 16 mq) sayəsində həkimlər diabet xəstələrində qlükoza mübadiləsini əhəmiyyətli dərəcədə yaxşılaşdıra bilirlər.

Beynimiz və sinir hüceyrələrimiz yalnız qlükoza ilə qidalanır. Odur ki, qanda şəkər miqdarı daim müəyyən səviyyədə qalmalıdır - 100 mililitr qan üçün 80-100 mq qlükoza. 60 mq-da olduqda əsəbi və yorğun oluruq. 40 mq-da səhərlər yuxudan oyanmağa əziyyət çəkir və bu gün necə işləyəcəm sualları ilə daxili gərginliyi artırmış oluruq. 30 mq-da gündəlik vəzifələrin öhdəsindən gələ bilmirik. Ən cılız münaqişə və yalnız yox cavabı sinir pozğunluğuna səbəb ola bilər.

Qadınların bədəndə cəmi 300 qram qlükoza (kişilərdə - 400 q) toplaya biləcəyi səbəbindən ehtiyatları daha sürətli tükənir. Qanda şəkərin miqdarı daha sürətli tempdə azalır, qadınlar tez əsəbləşir və ya depressiyaya düşürlər, həmçinin kişilərə nisbətən yuxusuzluqdan daha çox əziyyət çəkirlər.

Dəri, saç və dırnaqlar üçün vitamin

Biotinin tərkibində kükürd olduğundan dəri, saç və dırnaq üçün gözəllik vitamini adlandırıla bilər. Başqa sözlə: gözəl olmaq və insanlarda xoş təəssürat yaratmaq istəyən hər kəs Biotinə diqqət yetirməlidir. Dəri, saç və dırnaqlar kükürdə ehtiyac duyur. Biotin kükürdü saç və dırnaqlara çatdıran ideal vasitədir.

Biotin yağ mübadiləsini nəzarətdə saxladığından dəri və saçın hüceyrələrində olduğu üçün ilk növbədə təbii olaraq dəridəki yağ tərkibinə təsir göstərir. Kifayət qədər vitamin olmadıqda seboreya - yağ vəzilərinin disfunksiyası meydana gəlir. Bunun nəticələri xüsusilə saç tökülməsi və kəpəkdir. Kükürd çatışmazlığını da nəzərə alsaq, dəri solğunlaşır və tüklər isə öz parlaqlığını itirməyə başlayır. Dırnaqlar isə daha kövrək olur.

İsveçrə tədqiqatçıları 1991-ci ildə maraqlı eksperiment keçirib. Kövrək dırnaqları olan 32 nəfərə 3 ay ərzində gündə 25 mq Biotin verilib. Bu müddət ərzində dırnaqlar möhkəmlənib.

Gözəllik vitamini - Biotində kükürdün olması sayəsində dəri hamarlaşır, saçlar daha parlaq, dırnaqlar isə daha möhkəm olur. Biotin yetəri qədər olmadıqda yağ vəzilərinin fəaliyyəti pozulur ki, bu da saç tökülməsinə və kəpəyə, eləcə də dırnaqların artan kövrəkliyinə səbəb olur.

Biotin çatışmazlığının ilk əlamətləri:

Yorğunluq

Əsəbilik

Çox quru və ya yağlı dəri

Saç tökülməsi, kəpək

Ağız və laringitin selikli qişasının boz rəngdə olması

Depressiya

Əzələ ağrısı

Biotinin başqa vacib vəzifəsi vücudumuzun irsi məlumatlarını ehtiva edən karbon qazını purinlərlə bağlamaqdır. Həm də hemoqlobinin - qırmızı qan hüceyrələrinin piqmentinin sintezi üçün tələb olunur. Beləliklə, bu bioaktiv maddə çoxyönlüdür və bədənin demək olar ki, bütün hissələrində istifadə olunur.

Biotin bədənin hüceyrələrinə necə daxil olur?

Həzm prosesində vitamin qan dövranına daxil olan zülallardan azad edilir. Bununla birlikdə bağırsaqda müstəqil olaraq sintez edilə bilər. Bunun üçün xüsusi ferment olan biotinidaz iştirak edir. Bu ötürücü protein sayəsində vitamin qana və hüceyrələrə daxil olur.

Son tədqiqatların nəticələri yeni doğulmuşlarda bəzən bu fermentin çatışmazlığının olduğunu göstərir. Bu hal xüsusilə orqanizmdə qanda şəkərin miqdarı aşağı, həmçinin ammonyak və laktik turşu çox olan körpələrdə rast gəlinir. İki-üç aylıq dövrdə bu uşaqlarda kirpiklər və qaşlar da daxil olmaqla dəri və ya tüklərin iltihablı prosesləri inkişaf edir. Belə bir vəziyyətdə analizlər Biotin çatışmazlığını göstərir.

Həkimlər vitamin təyin edirlər və xəstəlik yox olur. Tədqiqatçıların fikrincə, Biotin çatışmazlığı yeni doğulmuş uşaqların qəfil ölümünə səbəb olur. Bir çox yeni doğulmuş Biotin çatışmazlığından əziyyət çəkir. Fizioloqların fikrincə, bu vitamin çatışmazlığı erkən uşaq ölümünün səbəblərindən biridir.

Bizə nə qədər Biotin lazımdır?

1000 kalori üçün təxminən 100 mikroqram Biotin lazımdır. Odur ki, qadınlarda gündəlik ehtiyac 250 mikroqram, kişilərdə isə 300 mikroqramdır. Bağırsaq normal işləyirsə, bu miqdarın yalnız beşdə biri yeməkdən gəlirsə, kifayətdir.

Bu vitamində qan dövranı və limfatik sistemlər vasitəsilə birbaşa sorulma heç bir rol oynamır. Bakteriyaların kifayət qədər miqdarda vitamin molekulu istehsal etməsini təmin edən sağlam bağırsaq florası daha böyük əhəmiyyət daşıyır. Saysız bağırsaq bakteriyalarının öz vəzifələrinin öhdəsindən gələ bilməsi üçün yüksək qida dəyəri olan məhsulları düzgün yeməliyik. Bunlara qəhvəyi düyü, kartof, tərəvəz, salat, meyvə, süd (qablaşdırılmamış, lakin ev istehsalı), yumurta (sarısı) daxildir. İdeal qida əlavələri, pivə mayası, bəkməz, kəpək və balıq yağıdır, burada bioloji aktiv maddələr konsentrat şəklində olur.

Xüsusilə Biotinlə zəngindir:

Qaraciyər 102 mq

Soya unu 63 mq

Yumurta sarısı 54 mq

Qoz 37 mq

Fıstıq 31 mq

Sardina 21 mq

Badam 17 mq

Göbələk 15 mq

Qəhvəyi düyü 9 mq

Kəpəkli çörək 7 mq

İspanaq 6 mq

Krab 6 mq

Vetçina 5 mq

Yerkökü 3 mq

Pomidor 2 mq

Kəsmik 2 mq

Nəyə diqqət etməli?

Bədəni Biotinlə təmin etmək üçün bu vitaminin kifayət qədər miqdarını təmin edən sağlam bağırsaq florası xüsusi əhəmiyyət daşıyır. Bağırsaqdakı biosintez pozulursa (məsələn, qidalanma, alkoqol, nikotin və s.), onda Biotin qida ilə qəbul edilməlidir. Biotin fındıq və tumlarda olan həyati protein birləşmələrinin təsirini aktivləşdirir.

Aytən Məftun