Günə enerjili başlamağın SİRRİ⠀

“Yuxudan tez durun - səhərin sübh çağı həyatın çox vacib çağıdır, bəlkə də ən vacib vaxtı. Odur ki, onu itirməmək çox vacibdir. Oyanmaq üçün ən uyğun vaxt - səhər 5-6 arası, maksimum 7-yə qədərdir. Həm iş günləri, həm həftə sonları”.

Publika.az xəbər verir ki, bu sözləri dietoloq Nərgiz Nəzirova deyib. Günə enerjili başlamağın sirlərini açan ekspert sözlərinə belə davam edib:

“Oyanan kimi bir stəkan təmiz su için - su maddələr mübadiləsini aktivləşdirəcək və oyanmağa yardım edəcək.

Duş qəbul edin - sərin duş daha tez oyanmağa, həm mental, ya başqa cür psixi çirki yumağa yardım edəcək. Həmçinin, dişlərinizi yumağı unutmayın.

İdman edin - hər hansı idman hərəkətləri edin, bu, enerjinin yüksəlməsi və özündə dissiplinin artırması üçün əla üsuldur.

Yemək yeyin - düzgün səhər yeməyi özünü gözəl hiss etməyin yoludur. Həmçinin bu, gecə çox yeməyin qarşısını alacaq.

Öyrənin - səhər vaxtı mütaliə üçün gözəl vaxtdır. Təxminən günün 6-12 arası buna zaman ayırmaq çox vacibdir”.⠀