Sağlamlıq

Yayda koronavirusla bağlı bizi nə gözləyir? - Məşhur həkim AÇIQLADI

19 Yanvar 2021 13:14

Yayda yoluxma sayı minimumuna çata və ya daha da azala bilər.

Publika.az xəbər verir ki, bu barədə Rospotrebnadzor Mərkəzi Tədqiqat Epidemiologiya İnstitutunun klinik və analitik iş üzrə direktor müavini Natalya Pşeniçnaya RİA Novosti-yə müsahibəsində deyib:

“Qışdakı tənəzzüldən sonra yazın əvvəlində yoluxma sayının bir az daha artması mümkündür. Bu mövsümi infeksiyalar üçün tipikdir. Belə görünür ki, COVID-19 da mövsümi xəstəlik olaraq qalacaq. Lakin payızdakı kritik həddə çatması ehtimalı yoxdur. Yayda isə xəstə sayı minimuna enəcək”.

Mütəxəssis yay aylarında Rusiyada vəziyyətin sabitləşəcəyini və xəstəlik sayında ən yüksək göstəricilərin geridə qalacağını bildirib.

Epidemioloq xatırladıb ki, hava, əhalinin sosial aktivliyi və ehtiyat tədbirlərinə əməl etməsi kimi xarici amillər pandemiyanın dinamikasına birbaşa təsir edir.

Aytən Məftun