Koronavirusa yoluxan qadının əlləri dəhşətə gətirdi - FOTO

İtaliyada 86 yaşlı qadının koronavirusdan sonra əlləri qanqren olub.

Publika.az xarici mətbuata istinadən xəbər verir ki, qadının damarlarında təhlükəli tıxanma aşkar edilib. Nəticədə xəstənin qanqren olmuş barmaqları kəsilib. Həkimlər bunu koronavirusun fəsadları kimi xarakterizə edib. Mütəxəssislər virusun damarlarda tıxanmaya səbəb olduğuna tam əmin olmadıqlarını, ancaq bunun COVID-19-la meydana gələn "sitokin fırtınası" adlanan immunitet reaksiyasının mümkün nəticəsi olduğunu vurğulayıb. İmmunitet reaksiyası həddindən artıq sürətlənməyə başladığı zaman sağlam toxumalara zərər verdiyi, zədələnmiş damarlarda qan təzyiqinin azalmasına və laxtalanma artımına səbəb olduğu diqqətə çatdırılıb.

Həkimlərin sözlərinə görə, qan laxtalanması problemi olan çox sayda COVID-19 xəstəsi var, bu da xəstəliyin həm damar, həm də tənəffüs yolu infeksiyasına dair narahatlıqlar yaradır.

London Kral Kollecinin professoru Rupen Arya 2020-ci ilin may ayında koronavirus xəstəxanasında xəstələrin 30 faizində qan laxtalanması probleminin olduğunu qeyd edib.

Aytən Məftun