Topuq şişir, dəri qaşınır: İnsanı ölümə sürükləyən TƏHLÜKƏLİ SİMPTOMLAR AŞKARLANDI - - VİDEO

Video əlavə olunub.

xxx

Kürək və ya sağ çiyində başlayan ağrılar qaraciyər problemlərinin əlamətləri ola bilər.

Publika.az xəbər verir ki, bu barədə "Medical News Today"də məlumat dərc edilib.

Məlumatda qaraciyərdəki həddindən artıq piylənmənin hepatoz, fibroz, siroz, hətta xərçəng kimi ciddi xəstəliklərə yol açdığı vurğulanıb.

Qeyd edilib ki, bədəndəki bəzi ağrı növləri də qaraciyər problemlərininin əlaməti ola bilər. Məhz buna görə, kürək, qarın, böyrək və sağ çiyində baş qaldıran ağrılara diqqət yetirmək məsləhətdir.

Ağrı qaraciyərin iltihabı və ya zədələnməsi nəticəsində yaranan hər hansı bir patoloji vəziyyəti göstərə bilər. Çox insan bunu qarının yuxarı sağ küncündə darıxdırıcı, çırpınan bir hiss kimi duyur.

Qaraciyər ağrısı kəskin də ola bilir. Bu zaman sanki nəfəsiniz çatmır, boğulursunuz. Mütəxəssislərin fikrincə bəzən bu ağrı şişlə müşayiət olunur.

Qaraciyər xəstəliyinin simptomları sırasında yorğunluq, dəri və ya gözlərin saralması, tünd qəhvəyi sidik, topuq və ya ayaq şişməsi, dəri qaşınması və iştahsızlıq var.

Mütəxəssislər bəzən qaraciyərin eyni ümumi bölgəsində hiss olunan ağrının əslində öd kisəsi, mədəaltı vəzi və ya böyrəkdəki problemlərdən qaynaqlana biləcəyini izah edirlər.

Yalnız həkim dəqiq səbəbi təyin edə bilər. Buna görə yuxarıda göstərilən əlamətlərdən biri varsa, mütəxəssisə müraciət etməlisiniz.

Hüseyn