Sağlamlıq

Xərçəng riskini azaldan MƏŞHUR MƏHSUL: çəyirdəkli halda... - FOTO

27 Noyabr 2021 19:24

"Zeytun yemək bağırsaq sağlamlığını yaxşılaşdırmağa kömək edə bilər".

Publika.az xəbər verir ki, bu barədə "Moskva" şəhər xəbər agentliyinə müsahibəsində paytaxtın səhiyyə idarəsinin baş dietoloqu Antonina Starodubova bildirib .

O deyib ki, 10 zeytun gündəlik lif qəbulunun təxminən beş faizini ehtiva edir:

"Bu məhsulu yemək bağırsaqların fəaliyyətinə faydalı təsir göstərməklə yanaşı, xərçəngə tutulma riskini də azaldır".

"Məhz pəhriz lifinə görə zeytun zeytun yağından daha az kalori ehtiva edir - 120 kaloriyə (bir xörək qaşığı yağa ekvivalent) 60 qram zeytun (10-20 zeytun) yeyə bilərsiniz", - mütəxəssis izah edib.

O, qeyd edib ki, konservləşdirilmiş çəyirdəkli zeytunlara üstünlük verilməlidir. Çünki onların təbii dadı daha çox, duzu isə azdır.

"Zeytun və ya zeytun yağı arasındakı fərqlərə gəlincə, bu fikir əhəmiyyətsizdir. Buna görə də dadmaq üçün ən çox bəyəndiyinizi seçməlisiniz", - Starodubova əlavə edib.

Hüseyn