Sağlamlıq

Qadınlar hansı yaşda qocalmağa başlayır?

25 Yanvar 2022 13:28

Qadınlarda yaşla bağlı dəyişikliklər 35 yaşdan sonra görünməyə başlayır.

Publika.az">Publika.az xəbər verir ki, bu barədə "Veçernyaya Moskva”ya müsahibəsində diyetoloq Yelena Solomatina bildirib.

Ekspertin fikrincə, məhz bu yaşda zərif cinsin nümayəndələri arasında xarici görünüşdə kəskin dəyişikliklər başlayır. Diyetoloqun qeyd etdiyi kimi, üzün piy təbəqəsi tədricən aşağıya doğru dəyişir.

"Şirniyyatlar və yüksək kalorili qidaların daxil olduğu qidalanma həm də bədən quruluşunda iz buraxır", - Solomatina qeyd edib.

Bu baxımdan həkim qadınlara ən qısa zamanda tərkibində trans yağlar olan yüksək kalorili qidalarla vidalaşmağı tövsiyə edib. Mütəxəssis ən zərərli məhsullar sırasına şəkərli çörəkləri və digər qənnadı məmulatlarını aid edib. Onları qurudulmuş meyvələr, giləmeyvə və ya tünd şokoladla əvəz etməyi məsləhət görüb.