Bu ədviyyat dərini CAVANLAŞDIRIR - FOTO

"Zerdeçal (red: sarıkök) həm sağlamlıq, həm də dəri üçün ən faydalı ədviyyatlardan biri hesab olunur".

Publika.az">Publika.az Rusiya mətbuatına istinadla xəbər verir ki, bunu dietoloq Tatyana Evstigneeva deyib.

"O, iltihab əleyhinə, antiseptik, antibakterial və qocalma əleyhinə xüsusiyyətlərə malikdir ki, bu da zerdeçalı təkcə əla dərman deyil, həm də ən güclü dəriyə qulluq vasitələrindən birinə çevirir", - mütəxəssis bildirib.

Zerdeçalda çoxlu faydalı maddələr və vitaminlər, həmçinin curcumin, kalsium, dəmir və mis var. Hesab olunur ki, dəri problemləri varsa, bu ədviyyat dərini təmiz saxlamaq üçün istifadə edilə bilər. Əlavə olaraq, yağ bezlərinin fəaliyyətini idarə etməyə kömək edir.

Mütəxəssisin sözlərinə görə, zerdeçal bir sıra dəri xəstəliklərinin müalicəsində də istifadə edilə bilər.

O deyib ki, ədviyyat sayəsində üz dərisinin ağardılmasına və təravətləndirilməsinə nail olmaq mümkündür və quru dərisi olanlara onu maskalara nəmləndirici tərkib hissəsi kimi əlavə etmək tövsiyə olunur.