Alimlər doğuşdan sonrakı depressiyanın immun dəyişikliklərlə əlaqəsini izah edirlər

Doğum sonrası depressiyanın səbəbləri qadının immun sistemində yaranan problemlərdir.

Publika.az “RİA FAN”a istinadən xəbər verir ki, müvafiq araşdırmanın nəticələrini ABŞ-ın Şimali Karolina Universitetinin alimləri paylaşıblar.

Təcrübədə doğum sonrası depressiyada olan 482 qadının qan nümunələri tədqiq edilib. Onun nəticələrinə görə, mütəxəssislər bu patologiyası olmayan gənc anaların analizləri ilə müqayisədə B hüceyrələrində əhəmiyyətli fərqlər qeyd edibr. Tədqiqat B hüceyrələrinin antikorların istehsalında iştirak etdiyini və yad orqanizmlərin orqanizmə daxil olduqdan sonra aktivləşdiyini aydınlaşdırıb.

Genetik Cerri Quintivano qeyd edib ki, hamiləlik dövründə immun sistemi çox böyük stress keçirir, çünki o, orqanizmi infeksiyalardan qorumalı, eyni zamanda döl yad cisim kimi qəbul edilməməli, onun inkişafına imkan verməlidir.

Beləliklə, depressiyada olan qadınlarda zülal sintezi üçün ardıcıllığı kodlayan minlərlə fərdi B hüceyrə transkriptləri tapılıb, bunlar doğum sonrası depressiyada olmayan qadınlarda aşkar edilməyib. Bu fərqlər müəyyən dərəcədə fərdi DNT ilə bağlıdır.