Sağlamlıq

Ən təhlükəsiz sərinləşdirici içki

3 İyun 2022 17:32

İstənilən spirtli içki bədənə zərər verir, çünki tərkibindəki etanol qaraciyəri və ürək-damar sistemini həddən artıq yükləyir.

Publika.az xəbər verir ki, bu barədə “RİA Novosti”yə psixiatr-narkoloq Yevgeni Bryun danışıb.

“Əslində bu, dozadan asılı təsirdir: nə qədər çox alkoqol içsək, bədənimizə bir o qədər çox zərər veririk. Lakin ağ şərab orqanizmə nisbətən az zərər verir. Onun tərkibindəki spirti su ilə azaltmaq və limon əlavə etmək olar. Belə bir “kokteyl” orqanizmdə su-duz balansını bərpa edəcək”, - həkim qeyd edib.

Eyni zamanda həkim vurğulayıb ki, sağlamlığa faydası baxımından istidə ən yaxşı seçim alkoqolsuz içkidir - adi su və ya bitki çayı da ola bilər. Mütəxəssis əlavə edib ki, gündə bir xörək qaşığından artıq şərab içməyin faydası yoxdur.