Səhərlər yulaf yeməyin!

Səhər yeməyinə son vaxtlar populyar olan yulaf bişirirsiz? Etməyin. Başqa alternativləri düşünün. Yulafı şam yeməyinə saxlayın. Çünkü tərkibində melatonin var. İndiki zəmanədə tapılmayan yuxu hormonudur. Melatonin həm tez yuxuya getməyə kömək edəcək, həm dərin yuxunun keyfiyyətini artıracaq.

Publika.az xəbər verir ki, bu sözləri tanınmış həkim, anestezioloq və reanimatoloq Şahin Məmmədov deyib. Həkim bildirib ki, badamın da tərkibi melatonin hormonu çoxdur:

“Axşam yatmazdan əvvəl çox yox, 5 ədəd badam yeyin. Bunu adət halına çevirin. Badamın tərkibində antikanserogen olduğu deyilən B17 vitamini də var. Badam antioksidantdır, faydalı yağlarla da zəngindir. Amma yatmazdan öncə melatonin+ maqnezium qəbul etmək daha effektli təsir göstərir. Magnezium əzələ relaksantıdır, onlardakı ağrını, spazmı götürəcək, siz daha yaxşı yatacaqsız. Əzələlərdəki spazmı, yorgunluğu aradan qaldırmaq üçün şam yeməyinə 1 ədəd banan da əlavə edin, çünkü o, maqnezium + bonus kaliumla zəngindir”.

Aytən Məftun