Qeyri-standart ÇANTALAR: “Bu, uşaq kürəyi üçün böyük yükdür” - HƏKİM ŞƏRHİ

Bel çantaları uşağın onurğasını yüngülləşdirmək üçün nəzərdə tutulmuşdu, lakin indi şagirdlər həddən artıq çox kitab daşıyırlar ki, nəticədə bel ciddi stressə məruz qalır, bu da ağrı və narahatlığa səbəb olur.

Publika.az xəbər verir ki, bu barədə osteopatik həkim və nevropatoloq Aleksandr Evdokimov danışıb. O, anatomik cəhətdən sabit bel çantaları almağı məsləhət gördü.

“Uşağın, xüsusən də ibtidai sinif şagirdinin onurğa sütunu kifayət qədər güclü deyil. Bel çantasının çəkisi isə 5-6 kiloqrama çata bilər. Bu, kürək üçün böyük yükdür. Stressi bərabər paylamaq cəhdindən asılı olmayaraq, onurğa sütununun bəzi sahələri həddindən artıq yüklənəcək”, - həkim “VM.ru”ya müsahibəsində bildirib.

Yevdokimov bildirib ki, müasir məktəbli çantalarının əksəriyyəti qeyri-düzgün formadadır və uşaqların kürəyi üçün nəzərdə tutulmayıb.

"Hər valideynlər yaxşı qayışları və ortopedik bazası olan yüksək keyfiyyətli çanta ala bilmir"- deyən həkimin fikrincə, düzgün modeli seçmək və bu işə məsuliyyətlə yanaşmaq lazımdır.

“Sabit kürəyi olan anatomik formalı modeli seçmək vacibdir. Məhsulun gözəlliyinə baxmaq lazım deyil. Əsas odur ki, keyfiyyətli olsun” - ekspert yekunda vurğulayıb.

Aytən Məftun