Bu xəstəliyi olan insanların cinsi həyatı uğursuz olur

Məlum olduğu kimi bir çox insan irritabl bağırsaq sindromundan əziyyət çəkir. “Metro” nəşri araşdırma nəticəsində bu xəstəliyi cinsi həyatı pozan incə səbəb adlandırıb. Tədqiqatlar təsdiqləyir ki, İBS olan insanların əksəriyyəti sağlam insanlardan daha aşağı intim həyat keyfiyyətinə malikdir.

Publika.az xəbər verir ki, bu xəstəliklə hər dörd kişidən biri və qadınların demək olar ki, eyni nisbəti cinsi əlaqədən tamamilə qaçmağa çalışır. Onların bir çoxu səhhətləri ilə bağlı həqiqəti partnyorlarına deməkdən utanır.

25 faiz

Kişilər və qadınların 22 faizi İBS simptomları səbəbiylə cinsi əlaqədən qaçırlar.

Münasibətlər üzrə mütəxəssis Jessica Alderton əmindir ki, ciddi münasibətlərdə həqiqət vacibdir. "Əgər cinsi əlaqədə olmamaq üçün müxtəlif səbəblər axtarırsınızsa, partnyorunuz özünü istənməyən biri kimi hiss edə bilər", - deyə o xəbərdarlıq edib. Bu isə münasibətləri gərginləşdirə, etibarsızlıq və hətta inciklik hisslərinə səbəb ola bilər.

62 faiz

İBS olan insanların cinsi münasibətləri bir o qədər uğurlu olmur.

Alderton dürüst və açıq olmağı tövsiyə edir. Onun sözlərinə görə, heç kim münasibətlərin əvvəlində İBS haqqında danışmaq məcburiyyətində deyil, lakin bir insan gələcəyi bu partnyorla bağlamaq fikrindədirsə, həqiqəti ortaya qoymalı olacaq.

Başqa bir seksoloq İBS-nin qeyri-adi birşey olmadığını söyləyib. Təkcə Böyük Britaniyada bu, əhalinin təxminən 20 faizinə təsir edir.

Aldertonun fikrincə isə, əgər tərəfdaş defekasiya ilə bağlı yüngül bir söhbətin öhdəsindən gələ bilmirsə, onunla münasibət qurmaq üçün doğru insan olmaya bilər.

Ayşən