Qadınlarda vaginal göbələk nədən yaranır?

Göbələk xəstəliyi uşaqlıq yolunun göbələk tərəfindən törədilən iltihabıdır. Xəstəliyin bilavasitə törədicisi Candida adlanan göbələkdir. Ginekoloqlar göbələk xəstəliyini kandidoz adlandırırlar.

Publika.az xəbər verir ki, bu sözləri ginekoloq Xuraman Əlibəyli deyib. Vaginal göbələklərdən danışan həkim bildirib ki, göbələk xəstəliyini yaradan kandida göbələyi sağlam olan hər qız və qadının orqanizmində yaşayır.

"Normada bu göbələk az miqdarda bağırsaq və uşaqlıq yolunda da olur. Kandida göbələyi uşaqlıq yolunun normal mikroflorasını təşkil edən faydalı bakteriyalar üçün qidadır. Lakin hansısa səbəbdən faydalı bakteriyalar məhv ola bilər. Bu zaman göbələyin miqdarı əhəmiyyətli şəkildə artır və göbələk xəstəliyinin simptomları meydana gəlir", - doktor qeyd edib və göbələk xəstəliyinin 10 əsas səbəblərini aşağıda sıralayıb:

- Antibiotiklər;

- Hamiləlik əleyhinə dərman preparatlarının qəbul edilməsi;

- Stress;

- Şirniyyatlar;

- Pivə;

- Bağırsaq disbakteriozu;

- Qəbizlik;

- Şəkərli diabet;

- Prezervativlərdən, spermitsidlərdən, tamponlardan istifadə edilməsi;

- Düzgün yuyunmamaq.

Aytən