Sağlamlıq

Tibbdə inqilab: Bir doza ilə bu ölümcül xəstəliklərin qarşısı alınacaq

19 Fevral 2024 14:01

İki ölümcül xəstəliyin inkişafı gen terapiyası ilə dayandırılıb. Mütəxəssislər bununla beyin xəstəliklərinin qarşısının alına biləcəyini açıqlayıblar.

Publika.az xəbər verir ki, tədqiqat Avstraliyanın Sidney şəhərindəki Macquarie Universitetində aparılıb.

Amyotrofik yanal skleroz və frontotemporal demans adlanan bu xəstəliklər ölümlə nəticələnir. Tədqiqatçıların dediyinə görə, yeni tək dozalı genetik terapiya siçanlarda iki dağıdıcı neyrodegenerativ xəstəliyin gedişatını dayandırıb.

Tədqiqatların zamanla insanların üzərində aparılacağını bildirən mütəxəssislər, sınaqlara ümidli olduqlarını bildiriblər: “Bizim böyük ümidimiz var ki, insanlar üzərində sınaqlar başlayanda onların bu xəstəliklərdən ölməsinin qarşısını almaqla yanaşı, həm də bəzi xəstələrin reabilitasiya yolu ilə sağalmalarına yol açacağıq”.

Roza Şəfiyeva